النتائج 1 إلى 4 من 4
  1. #1
    الصورة الرمزية αιzєη ● ѕσѕυкє
    αιzєη ● ѕσѕυкє غير متواجد حالياً ♥ Kenpachi ♥ مشرف سابق
    عضو
    تاريخ التسجيل
    Jan 2013
    الدولة
    السعودية =)
    المشاركات
    2,641
    معدل تقييم المستوى
    2256

    افتراضي - اليوم الأول من فعالية يوميات الأعضاء الرمضانية | المحبوب s u b a r u




    .
    .
    .
    .
    .
    .
    .



    صفحة بيضآء خاصة للمحبوب لدى الجميع S U B A R U ~
    أول رد سيكون للضيف يتحدث عن يومه، بعدها يمكن للأعضاء سؤاله عن يومه ^^


    انطلق ايه المحبوب < كفوف xD



    * الموضوع سيكون مفتوح حتى الساعة 3 ليلاً.
    .
    .
    .
    .
    .
    .
    .





    التعديل الأخير تم بواسطة αιzєη ● ѕσѕυкє ; 30-06-2014 الساعة 02:35 AM

  2. 14 عضو قام بشكر العضو αιzєη ● ѕσѕυкє على المشاركة المفيدة:


  3. #2
    اذكرونا بالخير :rose: مشرف سابق
    تاريخ التسجيل
    Jan 2013
    الدولة
    قارب النجاة
    المشاركات
    960
    معدل تقييم المستوى
    2818

    افتراضي



    السلام عليكم ورحمة الله وبركاته ^^
    في البداية أعتذر عن التأخير إللي صدر مني
    نطلب منكم العذر و السموحة :o!
    و رمضان مبارك ع الجميع و الله يتقبل من الجميع صالح الأعمال ^^!

    أظن قالوا الصفحة صفحتك فـ خذ راحتك فـ راح أخذ راحتي ع الآخر
    في البداية شكرًا أيزن على كلمة محبوب ! بتحرجنا كذا ي قدع !
    ع العموم مالنا في الطويلة و خلونا نتكلم في صلب الموضوع ^^

    طبعًا بعد انطلاق فعالية يوميات الأعضاء و إللي للأسف ما انتبهت للنسخة الأولى منها ^^
    قررت أشارك بالنسخة الثانية .. و اخترت اليوم الأول إللي أشوف العالم كلها متهربة منه ض1:
    مع إنّي أشوف اليوم الأول له نكهة خاصة .. خصوصًا مع مشقة اليوم و التعب و إللي البعض منكم قعد يلهث فيه من الجوع و العطش

    راح أتكلم عن يومي الأول المتواضع إللي مضطر أشاركم فيه

    إحصائيات اليوم -

    عدد ساعات النوم [ 5 ساعات فقط ]
    الزي الرسمي لليوم [ الشوط الأول من اليوم فنيلة و سروال + ثوب و الشوط الثاني بدلة رياضية لـفريق بايرين ميونيخ ! ]
    نشاطات اليوم [ طاعات رمضانية - مشقة الصيام - لطعة الشمس - فطور - موقف محرج - طلعة مع أخوياي :o! ]


    هههههههههههههههه ع العموم نفصّل بيومنا البسيط !

    بعد الساعة 12 مساءًا تقريبًا مافي شيء مهم أسويه غير التبريكات للحبايب بمناسبة هالشهر !
    و قعدت أطقطق ع النت إلى ما يقارب الساعة 2 موعد السحور كان مقلوبة طبعًا إللي ما يعرف عن المقلوبة :o
    المقلوبة " رز + إدام لكن بـ قدِر واحد .. :ذذ: فـ الحمدلله أكلنا ما يسد حاجتنا و حاجة صيامنا ثم ضربنا من هـ اللبن و الماء لين عبينا الخزان !

    طبعًا مالقطت صورة لأنّي ما توقعت أشارك أبدًا ! بعد السحور دخلت على الشبكة وبصراحة ما كان لي نية أسجّل دخولي أبدًا بهذا الشهر !
    لكن طاحت عيني على هذي الفعالية الجميلة فـ قلت من باب تغيير الروتين نشارك في هـ الفعالية وبإذن الله نتوفق بطرح يومنا البسيط ^^

    بعد صلاة الفجر قعدت أطقطق مع بعض الأعضاء في الصندوق ! و للأسف الأخبار عن حلقي للموس تسربت للأعضاء !
    فـ بعض الأعضاء طلبوا صورة لـ صلعتي الكريمة ! لكن في النهاية رفضت خوفًا على فتنتة الأعضاء .. و الفتنة أشد من القتل

    جاء وقت نومتي الصباحية فـ نمت و استيقظت ع الساعة الوحدة و للأسف فوت صلاة الظهر مع جماعة المسلمين !
    صليت الظهر و اتوجهت لمشواري .. هذي صورة من قلب الحدث لطريقي بالسيارة



    و كالعادة الشوارع فاضية في هالوقت من رمضان ناس عجيبة والله ..
    يخمدون من عز الصباح 14 ساعة إلى قبل أذان المغرب بـ شويْ و إذا جوْ يفطرون يقولون " ذهب الضمأ و ابتلت العروق و ثبت الأجر إن شاءلله " !
    أيْ ضمأ ي تسذوب و أنت تشفط من سعابيلك و أنت نايم ؟ أيْ حر تتكلم عنه و أنت متسدّح تحت المكيفات ؟ ! و أيْ أجر إللي تتكلم عنه ؟
    ترى والله الصيام مو بس صيام عن أكل و شرب وشهوات فيه شيء إسمه صلاة ركن ثاني قبل ركن الصيام ي إللي تحتسب الأجر أنت > <!!

    المشكلة يتكلمون عن الحر وما قد جربوا يطلعون مفصخين روسهم بمعنى أدق " محلقين موس " و يلطعون في هالشموس من الساعة 1 الظهر
    ما جربوا يجربون سواقة ديركسون الفورد و هو مولع من الحرارة :ذذ: حتى المكيفات حقتي يبي لها تعبية فريون ما تهوي زين > <!!
    لكن للأمانة مافي أجمل من إنّك تكيّف صلعتك عند المكيف بعد هالحر :ذذ: هنا يجيك شعور رهيب :ذذ:!

    طبعًا طلعتي في هالظهرية كان لها سبب .. رحت أبحث لي عن شغل بسيط يوفر لي وقتي الثمين و مال للعيد و غير كذا تغيير روتين ممل ^^
    فـ قدرت أظبّط لي مع محل و أخذت رقم جوالهم و احتمال أكلمهم اليوم و أشوف وضعهم يقولون إنهُم يشتغلون صباح و ليل حتى بأوقات التراويح !

    بـطريق عودتي و للأسف كما العادة :-



    ههههههههههههههههههههههه شفتوا اللمبة الصفراء إللي بالصورة ؟ هذي يعني البنزين خلص !
    هذا أخيس شعور يمكن يشوفه المواطن إللي ناسي محفظته في البيت و مطفر !

    ع العموم رجعت البيت بعد ما صفرت بنزين السيارة و أخذت لي شوَر و قريت قرآن ساعة زمن ^^
    بعد ما صليت العصر و العادة أتوجه إلى بيتي عشن أكمل قراءة القرآن ! لكن شدتني خطبة إمام الجامع ! فـ حبيت اقعد و استمع لها ^^

    الخطبة كانت جميلة جدًا و تكلم عن بعض الفِطر إللي توجد في كل مخلوق ! مثل حاجة المخلوقين إلى الطعام و الجوع و العطش !
    و الشهوات الجنسية و إلخ ... فـ شدني كلامه عن فطرة العبادة ! إي نعم فطرة العبادة و التذلل و الخضوع

    و هذي الفطرة شيء مهم لكل إنسان .. و الإنسان من غير عبادة يحس بالنقص الروحي وعدم ملئِه إلا بالخضوع و التذلل !
    حتى الكافر و المشرك و الملحد إللي ينكر وجود الرحمن بحاجة إلى هذه العبادات لإكمال الشيء الذي فطر عليه ^^


    أعجبتني الخطبة وكانت مؤثرة .. بعدها توجهة للبيت فـ قررت أشيّك على حال الرعية تحسبون الرعية العيال و الإخوان ؟ !
    الرعية الأكل الحمدلله كل شيء تمام .. فـ رحت أقرى لي قرآن و اضيّع وقتي بشيء يفيدني ! و كنت ناوي أتفرج على خواطر لكن فاتني :"(!

    بعد أذان المغرب و حان وقت الوعد المنتظر لأصحاب البطون الفارغة !
    طبعًا أجمل شيء في الفطور إن أصحاب اليد العليا في الفطور ما كانوا موجدين أخوي و أبوي معزومين !
    فـ هنا الواحد ياخذ راحته في الأكل صورة بسيطة للفطور :-





    المأكولات [ تمر - خلية نحل - أصابع الجبن - بيتزا - شوربة جريش - حلا ] !
    المشروبات [ ماء - عصير برتقال - فيمتو - قهوة ] !

    بعد الفطور و الصلاة .. رحت أتوجه للمشب عشن أقلب فيذا القنوات :ذذ: و طحت على مباراة هولندا و المكسيك لكن مليت و تركت التلفزيون > <!!
    كان في رآسي غفوة لكن الحمدلله ما حصلت ولا كانت بتروح عليْ صلاة التراويح و العشاء :o !

    ذا الحين بندخل في العميق ههههههههههههههههههههههههههههههه !
    طبعًا بعد ما صليت التراويح حصلي كذا موقف محرج وماله أيْ داعي


    الوالدة الله يطوّل بعمرها راحت للمسجد على أقدامها .. المسجد قريب بعض الشيء يعني الحمدلله مافي مشكلة !
    فـ أنا طبعًا رحت لنفس المسجد بـسيارتي سموه كسل عجز أيْ شيء بس أهم شيء الراحة بالنسبة لي !
    فـقررت بعد صلاة التراويح من باب طيبتي و بري بالوالدة الله يسعدها إن بعد الصلاة راح أوصلها معي بالسيارة بدال ما ترجع سيرًا على الأقدام !

    خلصنا الصلاة و قعدت أنتظر الوالدة بالسيارة عند باب الحريم فـ يوم طلعت الوالدة من المسجد شفتها انتبهت لسيارتي لكن ما ركبت معي فأنا هنا استغربت
    و قعدت أمشي بالسيارة ع الخفيف و أدق بوري لها و أشوفها كل ما أقرب منها تسرع بـ مشيتها ؟ !! أنا قلت وش فيها الوالدة ؟ عسى مو زعلانة مني !

    أنا من باب حسن نية قلت يمكن للحين ما انتبهت لي عاد فتحت دريشة السيارة وقعدت أصوّت لها " هيْ يمة إركبي . يمممممة إركبي أولاه " !
    فـ التفت عليْ وقالت ي ولد أنت وش تبي تلاحقن الحين ؟ أنا موب أمك الله يصلحك أنا هنا حاولت أصرّف أحك راسي ألعب بالجوال أيْ شيء !

    فـ يوم رجعت البيت فعلًا تأكدت إنها مو الوالدة .. لقيت أمي رجعت مع أبوي ! و طلعت مشبه عليها
    ع العموم أنا الحين جازم إنّي ما راح أتروّح بهالمسجد بعد اليوم أبدًا أصلًا الجامع فيه الخير و البركة

    بعد هالأحداث المحرجة الحمدلله كانت عندي سهرة خفيفة إلى الساعة 3 فجرًا مع أخوياي لعلها تنسيني إللي صار
    أدري فيه بعضكم يقول وش تسوون إلى الساعة 3 الفجر ؟! لا عندكم شيء يفتح النفس بالقصيم من أسواق و منتزهات و غيرها ؟

    والله ي إخوان إنّي إنسان بسيط إلى أبعد درجة و مقتنع بكل شيء بسيط متوفر لي .. يعني الحمدلله على كل شيء
    طبعًا مني راعي دوران و تفحيط و تكحيل في خلق الله و تميلح في هالأسواق ^^

    راعي صالات و مسابح و حديقة و كورة و بلوت و سوالف ووساع صدر
    طبعًا أول ما قابلت أخوياي .. بدآت الطقطقة على الصلعة الكريمة !
    وكالعادة يجي واحد شاطح ماشاءلله حلقت موس ي محمد ؟ لا نتفت شعري وش رايك يعني ؟ !

    قعدنا في حديقة جميلة تفتح النفس بس لو يركبون فيها كبوس و أنوار يصيرون أكوس شيء
    قعدنا نسولف و نطقطق و نوسع صدورنا و بعد هالسوالف أخذنا لنا كم صكة بلوت ^^
    صورة من قلب الحدث



    أخخخخخخخخخخخخخخخخ ي البلوت إدمان حتى النخاع :ذذ: لعبة بسيطة و بنفس الوقت رهيبة و تقتل وقت بشكل رهيب :ذذ:!
    أظن هذي أكثر لعبة أدمنتها حتى أكثر من الكورة !

    بعد ما أخذنا لنا كم صكة بلوت .. قررنا نتحرك شويتين و نلعب كورة فيه ملعب بلاط في الحديقة لكن للأسف ما لحقت ألقط له صورة !
    و طبعًا بعد لعب الكورة الواحد يذبحه الجوع خصوصًا إللي ما عنده لياقة مثلي :ذذ:! فـ رحنا لأقرب مطعم بروستد و جبت لي ثلاثة صاروخ !
    رجعنا لحديقتنا الجميلة .. و قررنا نغيّر جو البلوت ولعبنا لعبة إسمها " الشيش " لعبة بسيطة و ممتعة و اجمل مافي هاللعبة النذالة

    هذي صورة للعبة الشيش و أظن الصاروخ طالع معها



    راح أشرح شرح مبسط لهذي اللعبة ^^

    اللعبة تعتمد على أربعة لاعبين كل شخصين مع بعض يكونون فريق .. كل لاعب راح يملك أربع مساجين ^^
    و فيه قطع النرد أو يسمونها الزهر هذي صورة لها :-



    طبعًا عشن تخرج المساجين لازم يطلع لك رقم 6 من المعكب الصغير و يسمى رقم ستة " بـالشيش " !
    لأجل إنّك تفوز باللعبة تحتاج تاخذ دورة كاملة عشن تصعد بلاعبك .. و تحريك اللاعب راح يعتمد على أرقام المكعب الصغير إللي تطلع لك بكل دورة لك
    لو تعمقت في شرح اللعبة أكثر راح تحسون بمتعتها :ذذ: تقريبًا فيها شبه بسيط ببعض قواعد اللعبة لـ للعبة " مونوبوللي " لكن لعبة الشيش أكثر متعة ^^

    و اللعبة هذي تطوّل جدًا فـ تقريبًا أخذنا نلعبها ساعة كاملة أو أكثر > < !! و خلصنا على الساعة 3 تقريبًا :o !
    وكل واحد رجع لـ بيته !! و الحمدلله انتهت السهرة على خير !

    و الحين أحس إنّي دايخ وفيني نوم يهز جبال :ذذ:
    و اعذروني على طولة الرد .. لكن كان يوم لا بأس به فاضطريت أسرد عنه !
    وأتمنى في النهاية إنّكم استمتعتم بـ يومي المتواضع و إللي ما صورت لهم الصلعة إعذروني
    أتمنى لجميع المشتركين التوفيق بـ أيامهم إللي راح يشاركونا فيها

    سلام ^^




    التعديل الأخير تم بواسطة Detective Poirot ; 30-06-2014 الساعة 07:50 AM


  4. #3
    اذكرونا بالخير :rose: مشرف سابق
    تاريخ التسجيل
    Jan 2013
    الدولة
    قارب النجاة
    المشاركات
    960
    معدل تقييم المستوى
    2818

    افتراضي



    تم تعديل الرد ^^
    و آسف ع التأخير



  5. 9 عضو قام بشكر العضو Detective Poirot على المشاركة المفيدة:


  6. #4
    الصورة الرمزية αιzєη ● ѕσѕυкє ♥ Kenpachi ♥ مشرف سابق
    عضو

    تاريخ التسجيل
    Jan 2013
    الدولة
    السعودية =)
    المشاركات
    2,641
    معدل تقييم المستوى
    2256

    افتراضي




    أسطورة يا محمد
    رغم أنك متأخر جداً جداً، بس شئ أفضل من لا شئ

    شكراً لك

    - يغلق الموضوع.



  7. 5 عضو قام بشكر العضو αιzєη ● ѕσѕυкє على المشاركة المفيدة:


المواضيع المتشابهه

  1. فعالية يوميات الأعضاء الرمضانية 2 | التسجيل
    بواسطة αιzєη ● ѕσѕυкє في المنتدى ارشيف القسم الاسلامي
    مشاركات: 19
    آخر مشاركة: 22-07-2014, 08:26 PM
  2. ][ آخر مُشاركاتْ فعالية يوميات الأعضاء الرمضانية مع المبدع t a n g ][
    بواسطة Togo Mouri في المنتدى ارشيف القسم الاسلامي
    مشاركات: 1
    آخر مشاركة: 30-07-2013, 03:46 AM
  3. مشاركات: 1
    آخر مشاركة: 22-07-2013, 12:16 AM
  4. التسجيل في فعالية : يوميات الأعضاء الرمضانية
    بواسطة Togo Mouri في المنتدى ارشيف القسم الاسلامي
    مشاركات: 31
    آخر مشاركة: 14-07-2013, 01:29 AM

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  
Powered by vBulletin®
Copyright © 2017 vBulletin Solutions, Inc. All rights reserved.
SEO by vBSEO ©2011, Crawlability, Inc.