صفحة 1 من 2 12 الأخيرةالأخيرة
النتائج 1 إلى 17 من 28
  1. #1
    الصورة الرمزية الـقـنـاص
    الـقـنـاص غير متواجد حالياً قرصان في الجراند لاين عضو
    تاريخ التسجيل
    Jul 2012
    الدولة
    وش دخلك !؟
    العمر
    26
    المشاركات
    263
    معدل تقييم المستوى
    306

    Talking وخــرر هنـآك .. مكاني ذآ ..!



    اولاً , بسسم الله والصلاة والسسلام على اشرف خلق الله سيدنا محمد ومن والآه باحسان الى يوم الدين
    ثم اما بعـد :

    هذي سسلمكم الله , مـدونـه .. آآآآءءء وش بعد , وش بعد , وش لآآزم اقول ؟

    بس خلاص مدونه وش تبغوني اقول اكثر من كذا !؟

    تـم بحمد الله افتتاح مدونة " الـقـنـاص " بتـآريـخ : ... والله مدري كم التاريخ اليوم

    الزبـده اني فتحتها اليوم وخلاص .. في السآعه 8:50 ص .. بتوقيت قرينيتش

    وبمناسسبه الإفتتاح

    اول ثلاث اعضاء يشرفوني بالمتابعه سوف يحصلون على ثلاجه مقدمه من شركة مدري ويش للأجهزه الكهربائيه :p1:




    ووو .. وبس وخلاص ومع السسلامه


    التعديل الأخير تم بواسطة الـقـنـاص ; 10-07-2013 الساعة 09:33 AM


    شششكراً .. MeMe-Chan (^_^)

  2. #2
    الصورة الرمزية الـقـنـاص قرصان في الجراند لاين عضو
    تاريخ التسجيل
    Jul 2012
    الدولة
    وش دخلك !؟
    العمر
    26
    المشاركات
    263
    معدل تقييم المستوى
    306

    افتراضي رد: وخــرر هنـآك .. مكاني ذآ ..!



    اووه صصح نسيت اقول

    كل سسنه وانتو بخير , ومبارك عليكم الششهر الفضيل والله يعينكم على صيامه وقيامه
    ويتقبل منا ومنكم صصالح الأعمال , وعسسى الله يغفر لنا ولكم ويرحمنا بواسسع رحمته

    هـمسسـه .. ♥ !:

    لاحد يفطر من ورا اهـلـه .. بعدين الله يزعل عليكم



  3. #3
    الصورة الرمزية الـقـنـاص قرصان في الجراند لاين عضو
    تاريخ التسجيل
    Jul 2012
    الدولة
    وش دخلك !؟
    العمر
    26
    المشاركات
    263
    معدل تقييم المستوى
    306

    افتراضي رد: وخــرر هنـآك .. مكاني ذآ ..!



    اليوم العصر .. وصاني ابوي اجيب اغراض , والله وشغلت السياره في عز الحـر وانا كاره المشوار وذابحني الظما .. من ذكائي انا وابوي تسحرنا سسمك لين نشفـت حلوقنا

    المهم وبينما انا ماشي في امان الله .. وقفت عند اشاره .. وطولت الاشاره مافتحت , عاد انا طفشت !

    قلت بششغل المسسجل واشوف وش فيه ؟

    واول ماشغت المسسجل وينفجررر صصوت الأغـآآنـي على اقـوى ششي , ياششيخ حتى اهل استراليا وصلهم الصصوت وانطربو مع الاغنيه !

    مدري من اللي ركب السسياره قبلي ورفع صوت المسجل عالأخير

    المهم السياره اللي جنبي كان فيها " عجوز " راكبه مع السسواق
    اول ماششغلت الاغاني الا ذيك العجوز تعطيني نظـره تخلي سيقانك تتصافق في بعضها من الخوف ! , يارجال صارت عيونها ششارينجان !

    بالظبط كذا كانـت نظرتـهـا




    والله وتفتح قزاز السياره وتهاوشش بكـل صصوتها

    العجوز : الله يلعنـك ولا يوفقـك ياللي ماتخاف الله , ياويـلـك من ربـك الناس صايمين يهللون ويكبرون وانت تشغل اغاني ياللي مافيك ديـن !

    انـــا : صصلي على محمد ! .. والله يا يمـه من غـير قصـد

    العجوز : الله لا يبارك لا فيك ولا في سسيارتك ياللي ماربوك اهلك

    وكلاام كثييير .. ياخي ماعطتني فرصه ادافع عن نفسسي ! , اكلتني بلسسانها !!

    يا ليييل .. وش البلشه اللي بلشنا بها .. طيحت وجهي قدام الله وخلقـه حسيت اني كـآآفر .. كرهت اليوم اللي طلعت فيه رخصه وسقت السياره


    المششكله ان الاغنيه كانت ( ديانا حداد - بنت اصول ) .. بالله عليكم من متى وانا اسسمع لـ ديانا حداد ؟
    مايوم بحياتي سمعت لها .. هذا اول دليل ان الاغاني اشتغلت بدون قصد واني مظلووم
    وش علي انا بـ ديانا حداد بنت اصول ولا ماهي بنت اصول عسسساها بحريقـه !

    قسمن بالله ماعاد امشي من ذاك الششارع الا وانا متلطم بشماغي عششان لاحد يعرفني

    ذيك العجوز لو يفلتونها على اسرائيل صدقوني بتحرر المسجد الأقصى بلسانها .. حتى اليهود بيطلعون من فلسطين بكرامتهم قبل لا تغسسل شراعهم بالسب والملعنه

    ووو .. وبسس .. حبيت افضفض , عشان تعرفون اني مظلوم

    كان معكم محدثكم من قلب الحـدث ( الـقـنـاص )

    واعتذر عالإطاله

    _____________________________


    الفائده من هذه القصـه :

    استخدام الفرشاة والمعجون عند الاستيقاظ من النوم للحفاظ على ابتسامه مشرقه <~ وش دخل !



  4. #4
    الصورة الرمزية الـقـنـاص قرصان في الجراند لاين عضو
    تاريخ التسجيل
    Jul 2012
    الدولة
    وش دخلك !؟
    العمر
    26
    المشاركات
    263
    معدل تقييم المستوى
    306

    افتراضي رد: وخــرر هنـآك .. مكاني ذآ ..!



    الزبـــده خلـص وقـتـكـم .. بروح افطـر وارجـع ماعاد فيني صصبر
    كلآب بطنـي تـنـآبـح .. ماعاد فيه عصافير تزقزق


    التعديل الأخير تم بواسطة الـقـنـاص ; 10-07-2013 الساعة 08:03 PM

  5. #5
    الصورة الرمزية الـقـنـاص قرصان في الجراند لاين عضو
    تاريخ التسجيل
    Jul 2012
    الدولة
    وش دخلك !؟
    العمر
    26
    المشاركات
    263
    معدل تقييم المستوى
    306

    افتراضي رد: وخــرر هنـآك .. مكاني ذآ ..!



    آآآء .. والله مدري ويش اقول بالظبط !

    الزبــده حصلت حالة اضطراريه تستوجب علي السسفر
    تعرفون عندي ششركات دولية فروعها في كل مكان , يعني مانيب فاضي لكم يالسلنتح <~ والله مامعك غير الفقر
    فــ .. لااازم اسسافر اليـوم قسسمن بالله .. والله اعلم كم المده اسبوع اسبوعين ! , عالعموم دخولي بيكون قليل الفتره هذي <~ ليش يعني ذلحين دخولك ماهوب قليل ؟

    فـ .. اعذروني ان كان زليت على حـد , واخطيت في حقـه , العذر والسسموحه دخيل وجيهكم , والدنيا ذكرى طيبه
    <~ اقول سسافر وانت سساكت والله ماحد درا عنـك

    الــى اللـقـآء في الحـلـقـه الـقـآدمــه .. تـابـعـونـا ..



  6. #6
    الصورة الرمزية الـقـنـاص قرصان في الجراند لاين عضو
    تاريخ التسجيل
    Jul 2012
    الدولة
    وش دخلك !؟
    العمر
    26
    المشاركات
    263
    معدل تقييم المستوى
    306

    افتراضي رد: وخــرر هنـآك .. مكاني ذآ ..!



    بالنسسبه للي عـطـوني لايكـآت .. يا اللـه شو بحبكـون ! .. تؤبرو ألبي عن جد ميغسسي كـتيـر

    ذكروني اششتري لكم حـواوه اذا رجعـت



  7. #7
    الصورة الرمزية الـقـنـاص قرصان في الجراند لاين عضو
    تاريخ التسجيل
    Jul 2012
    الدولة
    وش دخلك !؟
    العمر
    26
    المشاركات
    263
    معدل تقييم المستوى
    306

    افتراضي رد: وخــرر هنـآك .. مكاني ذآ ..!



    هــآآي كـيـك :01s: <~ وش دخل الكيك يادرج

    وششسمه , من ذلحين اقولكم ترا الكلام اللي بكتبه طويـل وسسآمج , يعني مايقراه الا واحد رآيق وفآضي وزهقـآآآن

    ألا هل بلغت ؟ .. اللهم فاشهـد

    _____

    طبعاً مثل ما انتو عارفين اني مسسآفر , وسفرتي المفروض تكون من الدمام على جده ومن جده على الباحه

    لكن صارت بعض التغييرات في الخطـه , ستعرفونها فيما بعد .. تابعونا <~ يسسمع بالتشويق

    المهم هذي بعض الصور من الخـط .. من قوه الزهـق قمت اصصور :p

    الصصوره ذي اول ماوصلت " الريـآض " نزلت عند اقرب محطه , ورجعت بالغنـآيـم :23:

    * ملاحظه : الصايمين يغضون البصر .. ترا ماني مسسؤول !






    ^^^
    ياسسلآآم , حمضيات وسن كولا بــآآآآرد , ثثثلـج , يروي الظمآ ويبرد على القلب , ينسيك الحر .. انتعآآآش :ذذ: <~ قليل خآتمه
    هييه , اقول لاحد يفطر هاه ! , ماعليكم مني لا تقلدوني
    مانيب ناقص ذنوب عشان افطركم واشيل حمول العرب على زندي
    +
    ادري بعضكم يضحك على الـ " سن كولا " وبعضكم يقول بطلووه .. ادري والله ادري انهم بطلوه
    بس مدري كيف فجأه اشتهيت سن كولا ! .. العصير ذا يذكرني بالديره ياخي

    _____

    المهم , الحمدلله وصلت " جـده " على خيـر .. وطبعاً مافي انسسان بالعالم يمر على جده بدون ماياكل من المطعم الخخخورآآفي ذا :ذذ:






    ^^^
    امسسسح سسعـآبيـلـك انت وهـو !

    والله وخذت اخوي من جده عشان يخاويني على البـآحه .. بس قبل مانمشي من جده اتصل علي واحد من الشباب
    اسمه عبدالعزيز من " مستوره " .. مستوره ذي قريه تابعه لمنطقه " رآبغ " للي مايعرفها
    الزبده ودار بيني وبينه الحوار التآلي :

    عبدالعزيز : وينك ؟
    انــا : والله توني واصل جده , ليش وش عندك ؟
    عبدالعزيز : امما توك وآآصل جده ! , اجل تكفى مرني مستوره ودي نتقابل , مابين مستوره وجده ششي
    انــا : اقول اقلب وججججهكك , والله مع نفسسك ورآي خـط لين الباحه ورب الكعببه اني مششغووول !
    عبدالعزيز : يمين بالله مافيك خير شفني امسك خطوط عشان اقابلك وانت ولا مره جيتني مستوره , والله مالك دآعي يابو ناصر , ياخي تكفى تعال مابيضرك شي لاجيت مستوره ! <~ ناقص موسيقى حزينه ويكمل الجو
    انــا : ياششيخ الله يلعن اللي يردك يابو مبيريك , تــم , عطني مسافه الخط واكون عندك , يلعن ابو الدنيا اللي تفرق الرجاجيل
    <~ مشكلتي اتأثر بسسرعه , كلمة توديني وكلمة تجيبني

    والله ونأجل روحتنا للباحه .. ونغيير مسارنا على مستوره , لعيون ابو مبيريك

    وهذي صصوره من الخــط






    ^^^
    ماحد ششاف الزقاره صح ؟ .. انا ادخن ؟ .. لا ابــدن مسستحيل !!
    +
    اعذروني ياجماعه الخير رجلي طالعه بالصوره , ماهيب مقصوده ورب محمد , الله يكرمكم ويرفع قدركم

    _____


    الزبــده .. والله وصلنـآ مسستوره وليـتـنـا ماوصصلنا !!

    قسمن بالله اول مادخلناها انا واخوي صصارت عيوننا كذذا ~>

    يعني صحيح هي قريه , وطبيعي يكون كل شي فيها ( ابو كلب ) .. بس ماتووصصل للدرجه هذي !!!

    اخليكم مع الصصور .. وجهزو نفوسكم نفسياً ومعنوياً وجسدياً للصدمه والفاجعه والكارثه البيئيه

    هذي الصورة الأولى .. اتـحـدآكم وش ذا ؟






    ^^^
    ملجأ تـم بناؤه في حرب الخليج الثانيه عام 1990 .. لا .. مبنى من ايام الحرب العالميه الأولى ؟ .. لا

    هذا سسلمكم الله , المسستشفى العـآم في مسستوره !! .. يعني اهل مستوره يتعالجون هنا !! , والأدهى والأمر انه مازال قابل للإستعمال !؟

    ياششيخ قسمن بالله لو اني مريض على فرآش الموت ما اتعالج هنا ! , هي وحده من الثنتين يا يعطونك سم فيران بدال الدوا وتموت .. ولا ينهـد المستشفى فوقك وتموت , يعني في الحالتين ميت ميت


    _____

    طيب نروح للصوره الثثانيه , اتحداكم وش ذا ؟






    ^^^
    مغسسلة موتى ؟ .. لا ... بيت مهجور وعشعشت فيه الجن والشياطين ؟ .. لا

    هذا الله يسسلمكم مستوصف طبي !!
    يعني اللي مايبغى يتعالج في ذاك المستشفى القربوع يجي هنا .. والمشكله كل مبنى يقول انا هريان اكثر من الثآني

    _____

    طيب نروح للصوره الثالثه




    ^^^
    ترا هذي محطـه بنزين ( جديده ) , وحطو ستين الف خط تحت كلمه جديده !
    باقي لها كم يوم ويفتحونها .. لا تنسون , ترقبو الإفتتآح المـبـهــررر

    _____

    ونرووح للصوره الرآبـعـه , بالله عليكم وش ذا ؟






    ^^^

    بوفيـه ؟ ... للأسسف لا

    هذا مكتب البـريـد السسعودي


    _____

    ونرووح للصوره الخامسسه ( وهنا الطامه الكبرى ) .. اتحدآآآآآآآكم هذا وش يكوون بالظبـط !!!!





    ^^^

    صنادق دجاج ؟ .. زريـبه غنم ؟ .. للأسسف كل اجاباتكم خاطئه

    هذا سسلمكم الله مششروع حديـث وقـيـد الإنششاء
    والبلديه ششغاله عليـه ويتوقعون انه بيكون معلم سسيآحي لـ قريه مستوره اذا انتهى !
    على بالهم اهالي مستوره بيفرحون بالمشروع ذا مايدرون انهم بيزيدون فوق الهـم غـم

    بالله شوفو اللوحه اللي حاطينها عند المششروع






    ^^^

    الكلام اللي محدد بالاحمر مكتوب فيه ( اسم وموقع المشروع : تحسين وتجميل المداخل للبلديات والقرى التابعه لها )

    ينعــن ابووكم اي تحسسين واي تجمييل ! .. تسمعون بالتحسسين والله !

    جانـي هـم اول ماشفته وضضاق صدري , اقسم بالله ما كنـه الا مـقــبـره ! .. وذولي يقولون تحسين وتجميل !!

    اهنيهم صصراحتن , انجاز يشكرون عليه والقريه في تقدم وازدهار ملحوظين , اررفع لهم عقالي احتراماً لهم


    وو .. وبس هذا اللي عندي , حبيت تششاركوني الصدمه العاطفيه لاني ما اتحمل اشيلها لحالي

    اول مادخلت مسستوره وربي حسسيت اني في نيجيريا مانيب في السسعوديةة !

    والمشكلة اننا قعدنا في مستوره تقريباً 3 ساعات , والله ماشفنا آدمي واحد يمشي بالششآرع !
    قسسمن بالله مقبـره ماهي ديـره ! .. ذكرتني بفلم الرعب ( سايلنت هيل )

    _____

    بس الحمدلله , قابلنا خوينا عبدالعزيز .. وقلت له ياخي وش ذي الديره اللي ماتسوى ريال ! , والله لو هذي ديرتي لا أتبرى من اصصلي
    قال لا بلعكسس حرآم عليك , مستوره لو تعرفها زين وربي ماتطلع منها , تصير مثل السمكه ماتطلع من البحر

    طالعت فيه ! , والله كان ودي لو عندي شي انـتـف بـه رآسسه !
    قلت لـه كـل ( طوط ) بس .. ومششينا على جــده

    _____

    وحالياً انا في جـده ذلحين , وبرقـد بها يـوم لاني ماعاد اشوف ششي انعمت عيني
    وبكره انشالله نحررك على الـبـآحــه

    لا تنسو متابعتنا في الحلقه القادمه
    +
    اعتذر ثم اعتذر ثم اعتذر عـ الإطاله


    التعديل الأخير تم بواسطة الـقـنـاص ; 14-07-2013 الساعة 03:15 PM

  8. #8
    الصورة الرمزية الـقـنـاص قرصان في الجراند لاين عضو
    تاريخ التسجيل
    Jul 2012
    الدولة
    وش دخلك !؟
    العمر
    26
    المشاركات
    263
    معدل تقييم المستوى
    306

    افتراضي رد: وخــرر هنـآك .. مكاني ذآ ..!



    بالمناسبه / احب اوضح المعلومه هذي مقدماً للي مايعرفون , عشان ماحد يشطح ويقول عني كافر وزنديق وصهيوني ووو .. الخ

    ترا الإفطار في السفر جائز .. لأن السفر بمثابه الرخصه للمسافر لكي يفطر

    وقال صلى الله عليه وسلم { ان الله يحب ان تؤتى رخصه }

    بما معناه .. أن الإفطار في السفر ليس فقط جائز .. بل ( مستحب )

    هذا والله اعلم , وصلى الله على سيدنا محمد وعلى آله وصحبه اجمعين

    لأي استفسار آخر ماعليكم سوى الاتصال بالارقام المرادفه لبلدكم



  9. #9
    الصورة الرمزية الـقـنـاص قرصان في الجراند لاين عضو
    تاريخ التسجيل
    Jul 2012
    الدولة
    وش دخلك !؟
    العمر
    26
    المشاركات
    263
    معدل تقييم المستوى
    306

    افتراضي رد: وخــرر هنـآك .. مكاني ذآ ..!



    عــدنــــا

    يا الله , كم لي عن مدونتي العزيزه .. احسس لي شهر مانفظت الغبار عنها

    الزبـده مالكم بالطويله .. في الرد اللي فوق , كتبت اني في جده وبكره بمشي على الباحه . وهو صحيح
    لكن حصلت ظروف ياطويلين العمر , حنا بالاساس رايحين الباحه عشان جدي هناك وماعنده حد يعين ويعاون ولازم نقعد معه
    بس يوم قلنا بنمشي على الباحه , كلمنا جدي وطلع في النمـآص ! , يقول يومين ويرجع !
    مدري وش ودآه النماص , وش التمسيكه ذي
    المهم .. وبـ كذا لازم نقعد في جده يومين لين يرجع جدي .. بس المشكله انا واخوي مانطيق جده أبـد , ياثقل جده على قلوبنا , زحمه ولا شوارع مثل الاوادم , وحتى موية البيارات الله يكرمكم طافحه بالشوارع , وريحتها مسك وعنبر ماشالله
    قال لي اخوي ( هاه وش رايك ! .. ينبع ؟ ) :23:
    قلت انا قـووودآآآآآآآم ياششنـب :p1:

    ومسكت معنا نشد على ينبع في عـز الظهريـه

    وهذي بعض الصور




    ,,,





    ^^^
    هذي اول مادخلنا ينبع ديرة الجهنـآن
    سسسلآآم الله عليكم يا جـهـيـنـه

    _____

    الزبـده وصلنـا وماعاد بآقي على اذان المغرب الا حدود نص سسآعه تقريباً .. والله وناخذ فطورنا وعلى " الكورنيش " .. وهذي شوية صور






    ^^^
    غشش , ترا والله المنظر هذا كان خيآآآلي .. بس في الصوره طلع عـآآآدي وأقل من عادي بعد





    ^^^
    صصلآتـي على محمــد .. بـحـرهـم نظيييييييييف ويرد الروووووح :ذذ:





    ^^^
    والله وفرشنا تحت النخـل ذا .. عند الـفـيـه وجـو ولا أروع .. وافطرنا وعينا من الله خيــر
    وبعد الفطور رحنا ندور شقق عزآب نبغى نرتاح ششوي

    لفينا لين هلكنـا ! , كل الشقق فـل مليـآآآنه .. ولقينها غرفه وحده بـ 250 ريال في اليوم !!
    الله اكببببر والله لو ان الغرفه ذي على ششآطي شرم الشيخ ماتجي بـ 250 .. المشكله ماحولها الا الخلا الخالي

    والله ودورنا لين لقينا غرفه .. يعني حليوه .. بـ 150 ريال وخذناها .. مع انها ماتستاهل السعر بس خلاص تعبنا من وحنا ندور

    وهذي صوره الشقق من بـرا




    ^^^
    " نجوم ينبع " .. يا إلهي ! .. والله مامعكم الا الطفره

    _____


    وهذي الغرفه من داخل




    ^^^
    ماعليكم من الكائن العجيب اللي بالصوره .. هذا اخوي ابو رآس .. قاعد يسوي ششآهـي , الزبده سوو كنكم ماتشوفونه


    المهم , رقـدنـا 3 ساعات يمكن بالغرفه .. وماصحيت الا على صوت جوالي وهو يرن !
    اشوف الا < هـتـلـر > اتصل علي 12 اتصال وانا راقد .. وقاعد يتصل بعد ماوقـف !
    هتلر = ابوي .. والمشكله نغمه الوالد حاطها جرس انذار يعني تخيلو الموقف المرعب وانا توني صصاحي


    رديت , ودار بيننا الحوار الـتآلي :

    انـــا : لبيـه انا فـداك
    ابوي : وينـك ياولـد الـ ( طووط )
    انـــا : انا في جـده , ليش عسسى مافيه خلاف <~ وانا نصاب في ينبع
    ابوي : وين في جده ؟
    انـــا : هاه .. آآآءءء .. في الحي الفلآنـي
    ابوي : طيب انا في مطار جده ذلحين , توني واصل وابغآك تجيني
    انـــا : هــآآآه !! .. مـ .. ممـ .. مطار جـده !! .. كيف ومتى !؟ , ماقلت لنا انك جـآي ؟؟؟
    ابوي : ماعلينا , المهم تعال بسسرعه لا تتأخر
    انـــا : ابششر ابششر

    _____

    ذلحين ويش اسوي بعمري ! , انا في ينبع وابوي في جده .. ولو يدري ابوي اني رحت ينبع قسمن بالله لا يذبحني ويـبـروز رآسي ويعلقه في صـدر المجلس عشان كل مايصبح ويمسي يشوف رآسي معلق

    والله وارفـس في اخوي لين قـآم من نومه , ونلبس ثيابنا ونمسسك خـط جـده طـيـرآآآآآآآآآن .. مآششي طبلون السسيآره

    وبينما نحن في الطريق , وكل واحد يـتـنـافظ من الخوف , ويقول ياوآقـي ياحـآفـظ .. وإذ بالوالد يتصل مره ثثـآنيـه

    تخيلو الرعب , انا في اللحظه هذي بغيت انجلط , خلاص انتهت حيآتي .. المهم رديت

    ابوي : ويــنـــــــــك !!!

    انـــا : جـآي والله اني جـآي !

    ابوي : قـد لك سساعه تقول جـاي ولين ذلحين ماوصلت !؟

    انـــا : تبغى الصدق يابوي ؟ .. اول ششي صصل على محمـد

    ابوي : اخلص ويش عندك ؟

    انـــا : تراني في .. في .. في يـــــنــــــبـــــــــــــــع

    _____


    لحـــــظــــــه صصصـــمــــت قـصــيــرهـ

    _____

    عاد انا مابقول لكم ويش قال , تخيلو الموقف انتـو , واطلقو العنان لمخيلتكم

    _____

    المهم وبعد التهزيء اللي جـآنـي .. اخرتها طلع ابـوي ماهو في جده ولاهم يحزنون .. موجود بالدمام بس قال انه في جده عشان يسحب الكلام مني , ويشوف انا ويـن .. وانا من ذكائي فرطت المسسبآح وقلت له اني بينبـع

    وحلف بالله وقام يتوعـد فيني , يقول خلك ترجع الدمام ذاك الوقت بشوف ششغلي معـك يامحمد .. ولين ذلحين وانا ششآيل هم الرجعه .. ماتعرفون ابوي قسمن بالله نظره وحده من عيونه تخليني أنهـآآر .. ترا عنده هـآكـي مـلـكـي ابـوي

    يارب ينسى الموضوع , يارب ينسى يارب ينسى يارب ينسسى

    وبس وخلاص ومع السسلامه .. دعواتكم



  10. #10
    الصورة الرمزية الـقـنـاص قرصان في الجراند لاين عضو
    تاريخ التسجيل
    Jul 2012
    الدولة
    وش دخلك !؟
    العمر
    26
    المشاركات
    263
    معدل تقييم المستوى
    306

    افتراضي رد: وخــرر هنـآك .. مكاني ذآ ..!



    اليـوم اتصل علي رقـم دولي .. عاد انا انتفـخ رآآسسي والله وطلعت مششهور يالقنـآص !

    رديـت .. ورد علي واحـد افريقي يتكلم عربي فصيح بلهجه مكسره !

    الافريقي : السلام عليكم ورحمه الله وبركاته

    انـــــا : وعليكم السسلام والرحمه هلا ؟

    الافريقي : انا الشيخ محمد إبن عبدالرحمن إبن ادريس

    انـــــا : ونعم ياخوي , آمر ؟ .. ( وفي نفسي اقول : طيب وش المطلوب يعني ! , ماناقص الا تعطيني كرت العايله ! )

    الافريقي : لدي رسالة عاجله واستوجب علي إبلاغك بها يا أخي الكريم

    انـــــا : اهـآآ , ماشالله , طيب وش هي الرسساله ؟

    الافريقي : انا منذ واحد واربعون يوماً ذهبت لدعوة الناس في افريقيا للإسلام , وبينما انا في الطريق وإذا بالسماء تشرق نوراً ساطعاً
    فنظرت للسماء ووجدت رقم هاتفك قـد كتب في السمآء ! .. وإذا بصوت من السماء يقول لي " إن هذا رقم رجلٍ مؤمن تقـي "

    قاطعت كلامه وقلـت :
    اختصر .. من الآخر انت تبغى تسحرني ولا تبغى تاخذ فلوسي !؟ .. يلعـــن أمــ ( اللهم اني صائم ) يالأجرب ماتمشي علينا الحركات ذي !

    " طووط طووط طووط " .. قفل الخط في وجهي !


    شوفو النصب كيف ! , شاف رقمي في السماء ! .. لا والمشكله رقمي كان مكتوب في بدايته فتح خط السعوديه 966+
    وأهـم شي ان الوحـي نزل عليه من السما عشان يقول له اني رجل مؤمن وتقـي !
    خل الخرآط يالافريقي , هذي ماصارت حتى لشيخ الإسلام ابن تيميه عشان تصير لي !

    مابآقي الا ذا الخسيس يسرقني وانا حي ! , يخسسى قسمن بالله مايشوف مني ريال واحد وانا غامدي

    ووو .. وبس وخلاص ومع السسلامه

    الفائدة من هذه القصه :

    الحرص على شرب الحليب لأنه يمـد الجسم بالفيتامينات الغنيه بالكالسيوم والمدري وشسمه


    التعديل الأخير تم بواسطة الـقـنـاص ; 28-07-2013 الساعة 07:23 AM

  11. #11
    الصورة الرمزية الـقـنـاص قرصان في الجراند لاين عضو
    تاريخ التسجيل
    Jul 2012
    الدولة
    وش دخلك !؟
    العمر
    26
    المشاركات
    263
    معدل تقييم المستوى
    306

    افتراضي رد: وخــرر هنـآك .. مكاني ذآ ..!



    Egypt Eid Song - Ahlan Bil Eid - YouTube

    ^^^
    يقلـع الغنيه ذي .. كرهت العيد بسببها !
    ________

    الزبـــده .. كل سسنه وانتـو طيبين .. ومبارك عليكم العيد , الله يعيدكم من السسالمين الغانمين انششالله
    وتقبل الله صصيامكم وقيامكم .. واللي فطر من ورا اهله , نقول له مايصير ياحبيبي لازم تعوض وتصوم

    ادري ان العـيـد راح له فـتـره ! .. بس عاد وش اسسوي , مافضيت الا ذلحين
    عاد احمدو ربكم عالأقل باركت لكم بالعيد .. حلوه ذي , يتشرطون بعد !


    الزبـده كم جمعـتـو بالعيـد ؟ .. للأسسف شوفو القعيطيه ماحد عيدني بريآل واحد !
    ماغير عمي , وبعد تفكير طويل عيدني 50 ريال !
    بالله وش اسوي بها 50 ريال ! .. اشتري بها كيلو طماط وخيشه بصل وبــححح .. خلاص خلصت العيديه

    يابخت البنات , قـد ماتكبر الوحده يعيدونها بالخمس ميات ! .. وحنا اول مايطلع الشنب في وجه الواحد قالو خلاص صرت رجال مانعيدك !
    والله ظلم , وين قول الله سبحانه { للذكر مثل حظ الانثيين }
    ________

    ماعلينا .. قدامي يالله كل واحد يروح أقرب مكتبه ويشتري دفاتر وشنطه عششان المدرسه لا تنسوون <~ يقلع ام التنكيـد
    ايييه صصصح ولا تنسسون بعد الإجآزه صصارت جمعه وسبت , ماعاد فيه ششي اسمه يوم الخميس اجازه
    <~ احسس اني بنجلـد !
    ________

    المهم .. اعتذر على الانقـطـآع المفآجـئ .. كان بسبب ظروف اقتصاديه وسياسيه وعسكريه .. لكن بإذن الله واقول انششالله اني بحاول اخـفف من القطاعه
    ووو .. وو .. وش بعد وش بعد !

    ايـه صصح .. قسسمن بالله لكم فـقـده ورب محمد اني مششتاق لكل اللي بالمنتدى حتى اللي ما اعرفهم

    وبس وخلاص ومع السسلامه
    _________

    الفائدة من هذا الرد :

    الحرص على ممارسسه الرياضه يومياً , عششان مايصير عندك كرش مدلدل في الارض



  12. #12
    الصورة الرمزية الـقـنـاص قرصان في الجراند لاين عضو
    تاريخ التسجيل
    Jul 2012
    الدولة
    وش دخلك !؟
    العمر
    26
    المشاركات
    263
    معدل تقييم المستوى
    306

    افتراضي رد: وخــرر هنـآك .. مكاني ذآ ..!



    كـــــحح كــحححح ... لآآآآآآ اله الا الله! .. غبـــآآآآآآآآآآآآآآآرررر .. عــجججج !!

    يا ميـــري !


    ميـــري !


    تعالي نظفي المدونه الله يعافيك





    ...


    المدونـه تحـت التنـظيــف , لآحــد يدخــل

    واللي بيدخل , يخلي حذيانه برا , الله لايهينه



  13. #13
    الصورة الرمزية الـقـنـاص قرصان في الجراند لاين عضو
    تاريخ التسجيل
    Jul 2012
    الدولة
    وش دخلك !؟
    العمر
    26
    المشاركات
    263
    معدل تقييم المستوى
    306

    افتراضي رد: وخــرر هنـآك .. مكاني ذآ ..!



    اييوووه كذا احسسسن !! ... الله يعطيك العافيه ياميري , خلاص بعطيك حسسابك بكره <~ يصرف نفسه هع
    المهـم .. خابرين ذاك اليوم , عام 245 قبل الميلاد , يوم كنت في ينبع ! .. وقلت اني رايح على الباحه ؟
    طيب ذلحين نكمـل القصـه , يوم وصصلت الباحــه <~ بــدري !؟
    ادري والله تأخرت .. بس عـآآد وش اسسسوي انششغلت قسسمن بالله
    المهم .. وحنـآ في الطريــق , اسسستوقفني منظر خورآآآآآفـي على طريـق الهـدا .. فـ قلت علي بالطلاق ما امشي لين اصور :ذذ:
    باللهي شوفو الغمامه كيـف داخلـه على الخط , سسبحان ربي




    ...




    ^^^

    ترا عالطبيـعـه أحـلا بستين ألف مليون مره من الصصوره :ذذ:

    ______________


    المهم ماعلينا ... وصلنا البـآحـه بالسسلامه ياربي لك الحمـد .. حنا وجهتنا ماكانت الباحه نفسها , كنا متجهين للديره .. منطقه اسمها ( بلجرشي ) .. بينها وبين الباحه 30 كيلو تقريباً

    وهـذي ششوية صصور من الديـره




    ....



    ....



    ....



    ....



    ....



    ....



    ^^^
    هذا الطريق وانا رايح المسسجد ! , ريحه الريحـآن والورد تفووح منـه ! .. حلاته وانت راجع من صلاة الفجر :ذذ:
    لو تمر به مره وحده , بتصير تحافظ على صصلاتك لا ششعورياً , سسردادي مردادي في ذا الطريق

    ....



    ^^^
    هذي عيـن تصصب من رآس الجبـل , لها 20 سسنه ماجفت , سسبحان الله

    ....



    ^^^
    { وإن من الحجارة لما يتفجر منه الأنهار وإن منها لما يشقق فيخرج منه الماء } صدق الله العظيم
    +
    تم حجب الوجـه , لمنع حالآت الوفآة المفاجئه بالشبكة .. وجه الواحد فيهم فلم رعـب لحاله

    ....



    ^^^
    هنا من اول كانو يطبقون حد الزنا .. يرمون الآدمي بالحفره , ثـم يرجمونه بالحجـر
    الله يجيرنا ويجيركم ويستر علينا
    حآلياً .. صصآرت الحفره عباره عن زبـآله لاهل القريه , تكرمون
    +
    لا تدققـون في ششرحي المرسوم بالصوره , سوو كنكم ماتشوفونه

    ....



    ^^^
    هذا سسلمكم الله سسـد وآدي الجنابـيـن

    ....



    ^^^
    مليـآآآن ليـن رآآسسه !! .. عمـق الماء 25 متر تقريباً .. وعلى مساحه , والله مدري كم بس الزبـده مسساحه كبيــــــرره ! .. ذا لو ينهـد لا سمح الله ولاقدر بتصير كارثــه

    ....



    ^^^
    صصوره من فوق السسد .. عاليمين ولد عمي عماد , وعاليسار انا , تـم حجب الوجه خوفاً من العين
    تعرفون العين حـق , وحنا صصراحتن وسيمين ونخاف <~ قم اطلع برا



    يــتــبــــــــع ..


    التعديل الأخير تم بواسطة الـقـنـاص ; 10-10-2013 الساعة 06:03 AM

  14. #14
    الصورة الرمزية الـقـنـاص قرصان في الجراند لاين عضو
    تاريخ التسجيل
    Jul 2012
    الدولة
    وش دخلك !؟
    العمر
    26
    المشاركات
    263
    معدل تقييم المستوى
    306

    افتراضي رد: وخــرر هنـآك .. مكاني ذآ ..!





    ^^^
    الملعونه ذي لقيتهـآ تـدبي على رجلي !!
    بس الحمــد لله ربي سستر , مسسكتها بالجرم المششهود
    يا إنـي لعـنـت والدي والديها خخخ , خليتها تكره اليــووم اللي شافتني فيه , ياششيخ حتى الشبيحه بسوريا ماسوو سوآتي فيها

    ....



    ^^^
    هذي عقربه ! .. ولا دبابه حربيه مدرعه !؟

    ....



    ^^^
    يلعــن ابوووووك , قسسمن بالله مفصله تفصيــل ! , صصناعه روسيـه

    ....




    ^^^
    تـم وبحمدالله صيد هذا الحجل , واحلا كبسسه بعد مارجعنا :ذذ:
    الرصاصه ششقت رقبته شق , ذبحته ذبح اسلامي من بعيد هوع :23:
    وش على بآلكم , ترا ماسميت نفسي القناص عبث
    اقول يامحاسن الصدف ! , ولا انا قسمن بالله اني حول بس مدري كيف جبته خخخخ

    ....



    ^^^
    طيب وش المطلوب مني انا كـ مواطن !؟
    فهمتو ششي !؟

    ....



    ^^^
    مسستحيل انسسا ذا اليـوم
    ابو ثوب انا , والثاني ولد خالي
    جدي كان مشتهي يشوي بالحوش
    والمششكله ماقال لنا الا السساعه 2 الليل ! , ولين جبنا الدجاج والفحم وكل شي صارت الساعه 3 !
    وطول ماحنا نششوي , وجدي يمدح ويقول ماششالله عليكم رجاجيل ينشد فيكم الظهر !
    وانا وولد خالي كل واحد رآآسسه أكبر من الثـآنـي من كلام جدي هع
    المهم وحنا نششوي ! .. مآدرينا الا وصوت الإذان ! , صلاة الفجر , وذاك اليوم كنا برمضان !
    يعنـي لا حنـآ اللي تسسحرنا ! , ولا حنـا اللي ششوينا ! .. والتعب اللي تعبناه راح هباءاً منثورا
    وجـدي بعد ماكان يمدح ! , صار يسسب ويلعن ! , الله يلعنكم ويلعن اللي يعتمد عليكم ! , بالله كيف نتسحر ذلحين !؟

    طيب وشش دخلنا حنا ! , انت ماقلت لنا إلا متأخـر ! .. كان ودنا نرد عليه بس مانقدر , اكلنا السب وحنا ساكتين

    ....



    ^^^
    هذا البيت , عاش فيه جدي , وابو جدي , وابو ابو جدي ! .. لـه تقريباً 140 سنه

    ....



    ....


    وششسمه .. وبس خلآصص , ادري طولت عليكم , ماغير اعذروني

    وفي الختـآم , هـذي صصوره لولـد خـآلي وولـد عمـي , يغسسلون الفرشه
    كنت بغسسلها معهم .. بس الحمدلله جاني الفـرج , دق علي الوالد يقول ارجع اليوم ! , وكنت اتجهز للسفر




    ^^^

    لا اوصصيكم اغسسلوها زيــن



  15. #15
    الصورة الرمزية الـقـنـاص قرصان في الجراند لاين عضو
    تاريخ التسجيل
    Jul 2012
    الدولة
    وش دخلك !؟
    العمر
    26
    المشاركات
    263
    معدل تقييم المستوى
    306

    افتراضي رد: وخــرر هنـآك .. مكاني ذآ ..!



    سسسسلام عليكم يامسسلمين !

    كل عام وانتم بألف ألف ألف ألف ألف ألف خيير وعيدكم مبارك عسسى الله يعيدكم من السسالمين انششالله
    داري العيـد رآح , بس مايسر الله اني ادخل الششبكة غير ذلحين , ماغير العذر والسسموحه :"(

    الزبـده , قسسمن بالله اني اتحـرا العـيد يجي واعد الايام , يوم ورا يوم , ياخي ابغى اكل لححم ! , خلاص لاعت كبودنا من الدجاج
    آخر مره أكلت لحم قبل العيد , كانت قبل 3 شهور

    المهم , طالت اعمارركم .. ثاني يووم العيد , غدآنـا كان من نووع آخرر .. اكله ششعبيه :ذذ:
    واتحداكم تعرفون اسمها :23:

    اخليكم مع الصصوره :





    ^^^
    اللي يعرف اسسم الاكله ذي .. له مني جايزه ( مكرويف ) :p1:




    التعديل الأخير تم بواسطة الـقـنـاص ; 22-10-2013 الساعة 04:14 AM

  16. #16
    الصورة الرمزية الـقـنـاص قرصان في الجراند لاين عضو
    تاريخ التسجيل
    Jul 2012
    الدولة
    وش دخلك !؟
    العمر
    26
    المشاركات
    263
    معدل تقييم المستوى
    306

    افتراضي رد: وخــرر هنـآك .. مكاني ذآ ..!



    نعـود لقـصـتـنـا اللي عيـت لا تنتهـي ... بعد مارجعنا من البـآحه
    المهم , الوالده كانت في جده عند خوالي .. فـ على ساس ان حن بناخذ الوالده من جده ونرجع الدمام
    لكن بقدره قادر .. قالت الوالده ( وش رايكم دام ان حـن قريبين من مكه , ليش ماناخذ عمره ) ؟
    قلت انا قوودددآآآم .. اجل احرمي من ذلحين وانوي العمره
    الكلام هذا بالظبـط كان في 27 رمضان .. ان شالله نكون صادفنا ليله القدر

    .....
    وصلنا مكه ولله الحمد , امي واخوي , قعدو بالفندق يقولون بنرتاح من السسفر ! , مع ان الطريق كله نص ساعه مدري من ويش يرتاحون ؟
    قلت اجل بسبقكم واعتمر قبلكم , قالو تقبل الله

    هذي صصوره لـ بـرج مكـه :ذذ:





    المهم نعود لمحور حديثنا .. خلصت العمره الحمدلله وتحللت من الإحرام ولبسست ثووبي .. وكلمت الاهل هاه تعتمرون ذلحين ؟
    قالت امي ششوي بقيـّـل بس بعدين اعتمر
    قلت اجل بدال ماقعد فاضي ! , باخذ لي عربيـه .. واسعى بالناس في الصفا والمروى , واترزق الله <~ مخ تجآري ياحبيبي
    وبينما كنت انادي بالناس ( عربيه عربيه ) .. جاني شايب , من أحد الجنسيات العربيه
    يقول يا أخي فاضل لي 3 اشواط بس .. ممكن تكملها عني واديك 50 ريال ؟ :01s:
    طالعت فيه ! , الرجال كان شايب وعصقول وخفيف ! , قلت مابتعب وانا ادفـه ! :23:
    قلت طلبنا الله .. ارركب ياعمي :01s:
    قام يضحك .. يقول لا مش انا هاهاها .. قلت اجل من اللي بيركب !؟
    شوي الا ينادي باعلى صصوته ( يـــــآآ مريــــــــــــــــــــــــــــم )
    وفجأه .. تهتـز الارض , ويصير زلزآل في مكــــــه !!
    واشششوف إلا وحــده وزنـهـا 30 طـــــن , والمشكله انا عصصقول مافيني ششده عليها!!
    ياولد الحلال ما اتفقنا كذا ياخي , غير بدل ! , يمين يسسسار ! .. واخرتها سعيت بـ( طنط مريم ) مغصصوب
    المشكله نهايه كل مسعى .. جبل صغير .. وكل ماطلعت الجبل , هي تدحدر على تحت وانا ادفها بكل قوتي على فوق
    ياشششيييخ تفـقـعـت معيـآآنـي قسسسم بالله .. ماخلصت منها الا وفيني ششد عظلي بكل جسمي
    عسسى الله يسستر عليهم , ويتقبل منا ومنهم انششالله



    .................


    ثـم أمـا بعــد , جا اخوي وامي يعتمرون , وتعبت الوالده وخذنالها عربيه , دفيتها انا لان اخوي باحرامه ومتبهذل وانا لابس ثوبي
    في الطوآف , كنت ادف الوالده , وجنبي اندنوسسي طول وعرض ! .. كل ما مششا جنبي يدفنـي
    دفني مره , وعديتها .. مره ثانيه وعديتها .. مره ثثالثه وتقفـل اخلآقــــي ماقدرت اتحمل
    قسسمن بالله وامششي قدامه واعطيه كووع على بطنـه بكل ماعطاني الله من قوه , يعنني بالغلط ماكنت ادري
    قآم يتلوى من الوجع مسسكين ويتكلم اندنوسي والله مدري وش كان يقول
    ومن بعدها راحت العمره كلها وامي تسب وتلعن فيني , تقول الله لايوفقك خربت عمرتي يوم ظربت الاندنوسي ياحيوان
    ياااخي قهـرنـي ياااخي وش اسسسوي .. الله يسسامحني ويتوب علي , قسم بالله اني ندمان
    !
    بس انتم لو تششوفونه كيف كان يدفني , يمين بالله يررفع الظظغط ! , لو اني لحالي بسكت , بس امي معي

    .........

    مالكم بالطويله .. هذي صصوره للكعبـه





    ^^^
    ياخي سسبحان الله اول ماتشوف الكعبـه تحـس بهيبـه المكان اللي انت فيه , تجيك قششعريره خوف ورهبه وربي
    اللهم تقبل منا انك انت التواب الرحيم


    ووو .. وبسس , توته توته خلصت الحتووته

    وبكـذا نكـون خلصنا القصصصه الطويله , بدايه من مستوره , ثم ينبع , ثم الباحه , وانتهاءاً بمكه
    انـتـهـت رحـلـتـنـا في كـوكـب .. مغـآمرآت <~ متأثر بسبيستون

    __________

    الفائدة من هذه القصصه / لا تسوون سواتي يوم ضربت الاندنوسي , تراني غلطان
    قال تعالى { فلا رفث ولا قسوق ولا جدال في الحج }



  17. #17
    الصورة الرمزية الـقـنـاص قرصان في الجراند لاين عضو
    تاريخ التسجيل
    Jul 2012
    الدولة
    وش دخلك !؟
    العمر
    26
    المشاركات
    263
    معدل تقييم المستوى
    306

    افتراضي رد: وخــرر هنـآك .. مكاني ذآ ..!



    أمـا الآن أعزائي المششاهدين

    سسوف نتكلم عن ولـد اختي ( فيصل ) .. هذا الكائن العجيب .. شآيب في جسم طفـل !

    مع انه صصغير , ونتفـه ! .. بس انه مثل الششيبآن , اول مايسمع طرق الزير يستنزل
    يعـششـق ششي اسسمه " عرضه جنوبيه "

    جانا قبل كـم من يوم .. قلت له , هاه يافيصل .. تبغى نشغل العرضه ؟
    ياششيخ ماصصصدق ! .. الابتسسامه شششقت وجهه !

    والله وششريت له خنجر بلاستيك ابو كلـبب من ابو ريآلين .. تقول لي اختي لين ذلحين محتزم بالخنجر

    المهم .. ششغلت بالمسسجل شريط عرضضه ..

    وهذي صصوره لي انا وفيصصـل




    ^^^
    لا يفوتكم ثـوب فيصل .. برمودا

    ...............


    المهم .. عرضنا لين تهلهلت عظامي انا وتعبت ! , عاد فيصل الجني ذا مسستعد يعرض لين تقوم السساعه ماعنده مششكله

    والله وسسحبت نفسسي , ورفعـت صصوت المسسجل عالأخخير , وهذي النتيجه :23:

    لا تفوتكم النقـزه الخنفشششآريـه





    ^^^
    اسسسستـنـزل

    يآآآآحبـي لــك يافيييصصل .. الله يحفظك وتغدي رجـآل
    +
    لاحد يسسألني وش الششي اللي ظللته بالاسسسود .. الحمدلله اني شفته وظللته قبل مانزل الصوره

    وبس وخلاص ومع السسلامه .. وشقرن كطير لحسسن الاستماع

    ________________

    الفائده من هذه القصه /

    ششاركو مع الأستاذ في المدرسه , عشان ينجحكم



صفحة 1 من 2 12 الأخيرةالأخيرة

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  
Powered by vBulletin®
Copyright © 2017 vBulletin Solutions, Inc. All rights reserved.
SEO by vBSEO ©2011, Crawlability, Inc.