صفحة 8 من 9 الأولىالأولى ... 6789 الأخيرةالأخيرة
النتائج 120 إلى 136 من 137

الموضوع: Live your day _ Mesh blog *

  1. #120
    الصورة الرمزية M E S H " i was here " مشرف سابق
    عضو

    تاريخ التسجيل
    Mar 2011
    الدولة
    Somewhere
    العمر
    21
    المشاركات
    4,293
    معدل تقييم المستوى
    4587

    افتراضي



    ومن العايدين ومن الفايزين ، ان شاء الله
    < لحنوها
    ^ ما احس اننا بالعيد اذا ماسمعت ذي الاغنيه ع قناة السعودية
    وصباحية العيد اشوف انشودة العيد اتانا بالفرحه على سبيستون ، تقليد من يوم انا صغيرة


    المهم كل ععاااام وانتم بخخير :ذذ:
    الله يتقبل صيامكم و قيامكم في شهره الفضيل
    والله يعيده علينا وعليكم بخير وصحه وسلامة يارب

    الزبدة من الحين اقولكم
    تقولون لي من العايدين ؟ اقولكم من الفايزين
    تقولون لي الثنتين مع بعض اتوطى ببطونكم

    ياخي جد بلاش حركات التحجير حقتكم
    بصباحية العيد يجيني واحد يقولي عساك من عوادة
    انا هنا اعلق خمس ثواني افكر وش اقول
    اصلا عيوني تلتف تلقائي تدور احد يغششها

    لا وتدرون من الحيوان الحقيقي ؟
    هو اللي اذا رديت عليه بهمس كلام بنقالي
    ويقولي قدام الناس هاه وش قلت ؟

    الله ياخذك قل امين

    نصيحة مني اول ماتجون تسلمون قولوا لهم عساكم من عوادة !
    تغدوا عليهم قبل لايتعشون عليكم
    ان لم تكن ذئبا اكلتك الذئاب ! ميشيهاهاهاهاهاهاهاهاهاهاها

    استهبل خلاص روحوا تجهزوا للعيد ☺️
    I am busy 😂




  2. #121
    الصورة الرمزية M E S H " i was here " مشرف سابق
    عضو

    تاريخ التسجيل
    Mar 2011
    الدولة
    Somewhere
    العمر
    21
    المشاركات
    4,293
    معدل تقييم المستوى
    4587

    افتراضي



    صباح الخيرات :ذذ:
    أبد ماني جاية اسولف

    بس حبيت انفض المدونه واقول نوركم في موضوعي .

    تابع للمسابقة :- هانتر ☓ هانتر .
    بطلتكم يزداد الموضوع جمالا و بردودكم أزداد سعادة
    < افهموها و حطوا ردود

    طبعا موضوعي للصور عن هانتر
    الحب الجديد

    أن شاء الله قريبا اول ما اخلص متابعته اجي اعطيكم تقرير عنه
    باقي لي 30 حلقة , بس انشغلت هاليومين وما كملت متابعته :ذذ:

    لذا خلكم شاطرين وحطوا ردود جميلة
    مو زي الحلوين اللي يدخلون الموضوع ويخرجون ويدهم فاضية .

    مع السلامةة ^^"



  3. 10 عضو قام بشكر العضو M E S H على المشاركة المفيدة:


  4. #122
    الصورة الرمزية M E S H " i was here " مشرف سابق
    عضو

    تاريخ التسجيل
    Mar 2011
    الدولة
    Somewhere
    العمر
    21
    المشاركات
    4,293
    معدل تقييم المستوى
    4587

    افتراضي



    السلام عليكم ورحمه الله
    كيفكم ؟

    ياخي الكحهه ذبحتني
    اربع ايام مدري ثلاث وانا مريضه وللحين ماراح المرض :treast:
    صحيت اصلي الظهر والقى انواع الامراض فيني
    صداع + زكام + حراره + كحهه + حلقي يعورني
    طبعا السبب مكيفنا الله يخفظه
    غسلناه ورجع جديد وهواه بارد

    عاد انا مرضت يوم الترقيات العالمي
    سبحان الله الشبكة ماتحط ترقيات وكذا الا اذا ماكنت موجوده
    يعني طول الاسبوع موجوده ولما امرض او انشغل يترقون خلق ربي كلهم

    عاد انا دخلت الشبكه من اللاب ابي صوره من موضوعي لهانتر
    واطالع الا القى لوني اخضر
    من الصدمه حسبتهم حطوني مشرفه فريق
    ويوم طالعت للايقونه لقيت " فريق المسابقات "
    عاد قلت خخير يحطوني في فريق بدون مايعلموني على كيفهم !
    اللي فوق راسي مكفيني ! من وين طلع ذا الفريق

    جاء ببالي فريق مسابقه الشخصيات بس قلت ماكان لهم لون !
    المهم ادخل الشبكه والقى ست رسايل
    وانصدم بروز ولايتي ورديات
    بسرعهه رحت للصفحه الرئيسيه وشفت مين ترقى
    وماشاء الله كثير

    المهم من ذاك اليوم مريضه وحالتي حاله
    عاد بكره بداوم للجامعه !
    بشوفهم اذا بيغيرون جدولي المخيس
    تخيلوا اداوم العصر ! خخير مين فاضي يوديني العصر والجامعه بعيده
    الله يعين والله مافيني

    حالياا قاعده انتظر الحلقه الخاصه بون بيس
    يقولون انها رههيبه
    تخخيلوا مين بيطلع فيها ؟

    سابو سااااماااا > اللي مو متابع مانجا تراه حرق

    وه شكله رههيب بالحلقه
    ايس بعد بيططلع فيها
    < تتابعها عشان ايس واللي معه بس
    روزي الصبح كله وهي تمدحه ، ماعندها صبر تابعتها راو
    يلا ننتظر الترجمه عربي الله يصبرنا


    +

    حرق ><:

    شفتوا اخر شابتر ؟
    اسوب ساما عنده هاكي !
    عاد الهاله اللي طلعت له اتوقعها هاكي التنبؤ
    وهه على قوله روزي الحب له زاد بعد الشابتر
    ودوفي ولاو ولوفي بيتقاتلون اخيرا
    بس صدقوني اودا بيسحب على قتالهم ويجيب فوجي وسابو
    ولا بيروح لزورو وبيكا او حتى شله سانجي

    يحب حركات النذاله الشخص ذا



    ويلا في امان الله
    انتهت رحلتنا في كوكب اكشن
    الى ان نلقاكم في يوم اخر


    التعديل الأخير تم بواسطة M E S H ; 04-09-2014 الساعة 06:51 PM


  5. #123
    الصورة الرمزية M E S H " i was here " مشرف سابق
    عضو

    تاريخ التسجيل
    Mar 2011
    الدولة
    Somewhere
    العمر
    21
    المشاركات
    4,293
    معدل تقييم المستوى
    4587

    افتراضي



    ووووهه شفتوا حلقة ون بيس 662
    سسسسسسسسسسساااااابووو ظظهر اخخخيرا
    طبعا كالعادة مادريت الا من حققين تويتر العصر
    مامداني ادخل الا اشوف الناس كلهم مغردين بصورته وفيسات مصدومة






    < كمممميهه حححماس لما شفتهه يمشي






    < احنا تعذبنا لين شفنا شكلهه وحققين الانمي جتهم بارده مبرده
    كم شابتر انتظرنا عشان نشوف شكله كامل ؟
    وقعدنا شايلين هم اسنانه المكسره وشعره المجعد لأسابيع
    بسس ططلع فخخم ججدا





    فيهه احححزن ؟
    مممملامح وجهه تقططع القلب
    مختلفه رده فعله عن المانجا , المانجا تحسونها صدمه بطابع كوميدي
    ذا صدمه مع دموع مع ملامح تعور القلب
    شكل الحلقه الجايه كلها صياح

    الزبدة اهم شيء ظهر اخخيرا
    اقدر احط رمزيه سابو الححين بدون مشاكل ؟
    الحلقة الججايه كللها عنه ان شاء الله
    متحمسه لصوتهه مرره وقاعده اتوقع كيف بيكون
    الله يستر لا يطلع شنننيع

    +

    امااا حلقة هانتر الاخيرة بعد بكره
    نفرح من هنا ونحزن من هنا

    والمانجا بعد موقفه ومدري متى بيكملونها
    شكلي بكمل فيري تيل مكان هانتر




    التعديل الأخير تم بواسطة M E S H ; 21-09-2014 الساعة 11:48 PM


  6. #124
    الصورة الرمزية M E S H " i was here " مشرف سابق
    عضو

    تاريخ التسجيل
    Mar 2011
    الدولة
    Somewhere
    العمر
    21
    المشاركات
    4,293
    معدل تقييم المستوى
    4587

    افتراضي



    - تحذير ! الرد ذا بيكون اطول رد بالمدونة , تقرير شامل عن هانتر بأسلوب ميش -

    السلام عليكم ورحمه الله
    أجل مينا سان ! واخيرا قرررت اتكرم وانزل رأيي بهانتر
    الأنمي الججميل
    اول انمي اتابعه من اول حلقة لاخر حلقه بذمه وضمير وحماس
    بدون سحبات وبدون ملل وكلل

    هو ممكن طولت شويه وانا اتابعه
    بس كله بسبب ارك النمل
    كنت ماشاء الله علي داعسهه لين وقفت عنده وغرزت
    والسبب في ذلك يوم ماتت بونزو والولد اللي معها نسيت اسمه
    جاني هذاك الشعور المخيس اللي يجيني لما تموت شخصيه احس انها ماتستاهل تموت
    وكل ماجيت اكمل يجيني نفس الشعور
    لين صفقت نفسي كف وقلت لييه تزعلين عليه ؟
    هو كيلوا ؟ غون ؟ جججين ؟
    لا يعني بطلي شعور الحزن الغبي ذا وكملي

    طبعا الرسم جججميل ججدا
    الاوبينينق حقهم جججميل ياخي
    احلى شيء انهم ماغيروه ابدا

    بس يغيرون الجمله الاولى ويبدلون مابين ذي الاربع جمل

    You can fly away
    You can smile again
    You just try again
    You just go away
    ^ ححلوه الكلمات , اصلا انا حفظت الاوبينيق معهم

    الاركات كلهها جميله خاصه ارك عصابه العناكب او غيني ريودان وكورابيكا :ذذ:
    ذا الأرك كمية فخامه ياخي , كل شيء فيه رهيب
    العناكب بعد يجننون , خخاصه هالشخصيتين





    ارك جزيره غريد بعد جميل مرره

    ارك النمل كنت احسبه مخيس
    وفكرت اكثر من مرره اسحب عليه واكمل
    بس في النهاية تابعته وططلع جججميل ايضا

    قهرني موت كايت مرره كنت بدأت اعجب فيه



    هو صحيح رجع وبشكل ثاني , بس يبقى شكله القديم افخم

    وبالنسبه لاخر ارك انقهرت يوم مات غوتو

    كانت تعجبني حركاته وتسذا ، خادم مخلص



    طريقه موته بنت كلب
    يعني رئيس الخدم لعائله زولديك والمفروض قوي ويموت بخمس ثواني ؟
    طيب ياخي عطوه موته محترمه
    خلووه يقاتل شوي ويكفخ هيسوكا شوي بعدين اذبحوه
    احسهم يظلمون شخصيات كثير و يقتلونها بسرعه ! مافيه توازن بالقوى ابد


    صدموني بالحلقة الأخيرة حسبته مامات
    وقف قلبي من الحماس
    ثمن انصدم ويطلع واحد من الجماعه اللي تتغير اشكالهم

    الزبده على طاري الاعجاب
    للاسف المؤسف ماعرفت بالضبط مين شخصيتي المفضله
    احس كل الشخصيات ححلوهه وكيوتيه ومميزه

    بس اعتقد ان جين فريكس في المركز الاول




    ^ ياخي قسماً جميل
    عاد كذا احسه زي ايس حب من اول نظره

    < ههههههههههههههههههههههههههه سلكو سلكو
    خاصة بعد ماشفت شكله بالأوبينينق مرره فخخم



    < رسموه بأكثر من طريقةة بس ذا اجمل شيء

    المشكله ان كل اللي احبهم يموتون
    زي جيرايا بناروتو عجبتني شخصيته جدا
    وطبعا ايس الحب
    عسى جين مايلحق عليهم



    الشخصية الرهيبهه هيسوكا :ذذ:
    اشوف اغلب الناس يحبونه بس مدري وش اقول عنه
    احسه مخبول بس يضحكني ككثير
    عاد فطست ضحك عليه بالحلقه 143 يوم يبغى يعطي ايلومي اتجاهات غلط
    قام قاله ايلومي انا اعرف اصلا وين منطاد كيلوا
    هههههههههههههههههههههههههههههههههههههه ملامح وجهه اليمهه


    ولا ههنا يوم قاله بقتل كيلوا وخلا ايلومي يقلب وحش




    ككيلوا



    عيونه الزرقاء ذي اجمل شيء فيه

    بالنسبة لايلومي حيوان وبس
    يقهر مرره تبا له
    زي يوم اختبار الصيادين يقول لكيلوا بذبح غون عشان ماتصير صديقه
    بعدين يوم انسحب كيلوا قاله ترا امزح معاك مابقتل غون ابدا

    ولا يوم يلاحق كيلوا يبغى يقتل الوكا وسبب مشاكل بالمدينه وذبح خلق الله
    ويوم قاله كيلوا لن اعتبرك اخي بعد الان
    قاله بكل بساطه " فهمت ياكيل " وانسحب
    تستهبل يابن الكلب ؟ سببت لنا رعب وفي النهايه كذا



    < اصلا انا من بعد ضحكتة المجنونه ذي وانا غاسلة يدي منه المجرم

    عاد عائله زولديك عجيبه
    الام مشاعرها معوقه ، ضربها كيلوا ؟ تفرح تقوله كبرت
    قال لالوكا اذبحي امي اذا ماطلعنا من هنا ؟ حطت يدها ع فهمها وقالت رائع :|

    لا بس اكثر شيء مزعج هو مشكله اللخبطه حقتهم في الاجناس
    الحين اخوان كيلوا الصغار وش يحسون فيه بالله ؟
    كالوتو شكلا وصوتا بنت ! بس هي بالحقيقه ولد -_-

    الوكا شكلا وصوتا بنت ! بس اهلها يقولون انها ولد ماعدا كيلوا
    يعني للحين ماندري ولد ولا بنت :|

    والشيء المضحك
    اني في وحده من الحلقات شفتهم يخاطبون كورابيكا بصيغه بنت
    عاد قلت بسم الله لايطلع ذا بنت وانتي من يومك صغيره تحسبينه ولد
    قلت لنفسي لا لا غلطهه مطبعية اكيد ! بس وش ذي الغلطة اللي بالحلقه كلها
    لا واللي زاد الامر سوء ان فيه مواضيع كثير بقوقل تقول انه بنت
    < انا وجهي صار كذا !
    المهم الشك لعب بعقلي ما ارتحت لين رحت ويكي وتأكدت

    اللي ماعجبني بهانتر هو مقدار الدمويه والتقطيع اللي فيه
    اياديهم , رؤوسهم تتقطع متفجرات بكل مكان ودماء
    يازين ون بيس مافيهه ذا القتل كله وحتى لو فيه مو كذا
    ذولا بزياده اياديهم اشوفها مقطعه قدامي ورؤوسهم تطير بكل مكان
    وحشرات ياكلون بشر ، سلامات


    الغريب في هانتر هو رسم المانجا المخيس
    دائم اشوف فانز هانتر يشتكون من رسم المانجا
    عاد انا كنت استغرب الناس كلهم يفضلون رسم المانجا ع الانمي
    وشفت كم صوره بتويتر شنيعه بس قلت مو لذي الدرجه



    بس بعد ذي الصوره غسلت يدي ببنزين من رسام هانتر
    مايصير ياخي لازم تصير زي اخوتك المانجاويون < ترا متعوب ع الجمله
    جد شف لك صرفه وحسن رسمك


    كنت افكر أتابع المانجا خاصه بعد خبر توقيف الانمي :")

    لييييييييييعععععش
    يعني ترا حركه حيوانه منكم
    يوم اتحمس معه واتابعه توقفونه

    اذا حبيت احد يموت واذا تابعت انمي يوقف """"(
    تهقون البلا مني ؟
    ان شاء الله مايطولون وهم موقفينه !

    لا والمصيبه الكبرى ! المانجا متوقفه بعد
    اجل ياسادة ان حظي فضضيع

    الزبده انطباعي ع الانمي ججميل للغايه
    طبعا انا تابعت النسخه القديمه منه للحلقه 62
    اشوف النسخه ذي من ناحيه الرسم اجمل
    حذفوا التمطيط وهذا شيء ججميل ! يعني عطونا الزبده من الحلقه

    لذا ححابه اقول عقبال فيري تيل وجنتاما
    افكر ارجع اتابع فيري تيل وقفت عند الحلقه 130
    وبكمل متابعته اذا الله اراد ، شفت صور من المانجا وشكله صاير حماس :ذذ:

    جينتاما شفت كم حلقه منه وفطست ضحك
    وانا من محبين الكوميديا لذا ان شاء الله بتابعه متى مافضيت

    وسلامتكم

    - تعبت من الكتابة -


    التعديل الأخير تم بواسطة M E S H ; 25-09-2014 الساعة 01:31 AM


  7. #125
    الصورة الرمزية M E S H " i was here " مشرف سابق
    عضو

    تاريخ التسجيل
    Mar 2011
    الدولة
    Somewhere
    العمر
    21
    المشاركات
    4,293
    معدل تقييم المستوى
    4587

    افتراضي






    هل تصدقون ذلك ؟


    اليوم كملت ال18 سنهه ودخلت ب 19
    انا مااا اصددق

    لييه كذا كبرت بسرعهه




    < شعوري حاليا

    لما افكر بالموضوع ، راح من عمري 18 سنه بدون ما اسوي فيها شيء مفيد
    وش ذي الححياة


    ككبرت وانا باقي صغيره
    < لحد يسأل كيف جات ذي الجمله !
    ياخي حتى رقم 19 احسه اكبر مني


    الزبده يعني احس اني عجزت وصرت كبيره بالسن
    شيء طبيعي اني احس كذا ولا : ض3: ؟


    هو صراحه فيه شعورين بداخلي !

    الاول : شعور السعاده
    اني صرت كبيره وخلاص انسانه لها حياه مستقله
    بطاقه الصراف في يدي واسوي اللي ابيه
    ومحد له دخل بقراراتي واقدر اهج وقت ما ابي
    < اغلب الكلام نصب بس سلكوا !


    الشعور الثاني : شعور الحزن والاحباط

    اني كل سنه اكبر اكثر وانا للحين ماسويت كل الاشياء المجنونه اللي ابي اسويها
    وشكلي مابسوي شيء بحياتي ابد الا اذا تزوجت ولا هربت


    عاد كالعاده حاليا انا ندمانه قد شعر راسي لاني مادرست بعيد عن اهلي :")

    كان ممكن اجرب شعور العيشه لوحدي مع بنات
    بس انا غبيه مع كامل احترامي لنفسي


    اجل اجل شعور الندم يأكلني :"(
    ودي اقفز قدام القطار واخليه يدعسني ويروح ويجي علي لاني استاهل
    ياخي جد حياه ممله *قلب مكسور *


    المهم
    كل عام وانا بخير وعقبال ما احقق كل اللي ابيه

    اتمنى لنفسي قضاء مستقبل اجمل مليء بالمغامرات الجميله !
    اتمنى احب الجامعه وانسجم فيها شوي
    واتمنى اتعرف على بنت جميله فله تحمس < قلبتها امنيات


    هوووووووف
    < تنفخ ع الشمعه < مدونتي وكيفي انهبل براحتي

    تصدقون كتبت بالتويتر ان اليوم ميلادي , قالت لي وحده اعرفها انه يوم ميلاد لاو بعد
    وتقول تكفين بادليني !





    ياجمال حظظي




  8. #126
    الصورة الرمزية M E S H " i was here " مشرف سابق
    عضو

    تاريخ التسجيل
    Mar 2011
    الدولة
    Somewhere
    العمر
    21
    المشاركات
    4,293
    معدل تقييم المستوى
    4587

    افتراضي



    السلام عليكم ورحمه الله
    كيفكم ، زمان عن المدونه :ذذ:
    الوقت ضيق ويالله القى فرصه اكتب ههنا
    الزبده بما اني من زمان ماتكلمت عن المانجا
    لذا الرد ذا فضفضه لاخر الاحداث والشخصيات

    حرررررررررق:




    كورا سان
    الشخصية العظيمه
    وه قسسم شخصية رهيبه بشكل
    ليه الرهيبين يموتون علموني ؟
    ظهر في 6 شابترات بس وصار من الشخصيات المفضله لأغلب متابعين المانجا
    مين كان يتوقع ان اخ دوفي الاصغر كذا شخصيته ؟
    عكس اخخوه بكل شيء



    دوفي
    جاد ، هيبه ، مرعب ، شر ، ذكاء حاد ومخطط ذكي شخصية قويه وفخمه :ذذ:




    بينما كورا !
    شخصيته مرحه وفيه كميه غباء وحماقه تتوزع على شخصيات ون بيس كلها
    ضعيف مو بذيك القوه ومافيه اي ذره هيبه

    بس قسسما فخم ياخي
    وجهه اجمل شيء فيه
    والشخابيط ذيك اللي بوجهه مميزته مرره

    من أول ظهور له يوم طاح ع الارض وطير لاو من المبنى عرفت انه بيطلع رههيب
    حسيته يشبه الجوكر اللي بباتمان
    وانا ما اطيق هذيك الشخصيه فما كنت معجبه فيه مرره يعني عادي

    http://im55.gulfup.com/htRich.png

    بس من شفت هالخشه وقعت في حبه
    طبعا ذا تلويني بمساعده تاكا
    كرفته كرف لييين ظهر بذا الشكل الرهيب
    ابلشته يومين كل مالونت جزء قلت وين الاخطاء
    طبعا كله عشان كورا سان الجميل

    عجبني يوم طعنه لاو وتستر عليه
    لاو من الخرعه هرب يحسبهم بيقتلونه , ويقول ذلك الوغد اخبر اخاه بما حدث
    ولا يوم تكلم اول مرره قدام لاو وفضح نفسه وشاته لاو بالزباله
    هو أكثر شخصية ضحت عشان لاو , حاول يعالجه بكل المستشفيات
    وبعدين سرق الفاكهه وصار عدو البحرية ودوفي كله عشان ينقذ لاو

    الزبدة الشابترات كانت مليئه بالأحداث اللي مايمدينا أتكلم عنها كلها !
    لذا بس بتكلم عن كم حاجه رههيبه :ذذ:



    الصدمة الاولى , لاو من الدي
    ترافلقار دي واتير لاو
    !
    توضحت الامور أخيرا , سبب أنقاذه للوفي وتسذا
    تحسونه شيء جميل أن شخصية فخمه مثل لاو من الدي



    بس للأسف مثل بقية شخصيات ون بيس , ماضيه قاسي
    كان عايش هو واهله حياه سعيدة لين اصيبوا بالمرض وماتوا كل عائلته واصدقائه قدامه , ياعمري
    ويوم تعرف على كورا وصار يحبه مات هو بعد
    الصوره مععبره
    بالنسبة لعائلته , ابوه وسيم وامه جميله
    أخته شكلها بثره
    بس لو عاشت بتطلع ججميله وكذا يكفي اخوها لاو

    ماضي الدون لايقل قسوه عن ماضي لاو :ذذ:
    البشر عذبوهم وانتقموا لسنين الذل اللي عاشوها , ما الومهم صراحة
    العجيب في دوفي انه رغم التعذيب ماقال الا " لن اموت و سأقتلكم جميعا "
    أرادة وقوه ككبيره
    أستغرب من اللي يقولون قربت نهايته ! لا ما أعتقد يهزم بذي السهوله كأي شخصية سابقة

    +


    بيبي فايف
    كممممميه كككواته فيها
    وهي متعلققه بساق دوفي وهو يتنهد براحه انه انقذهم
    يعجبني دوفي لما يصير طيب كذا




    شخصية حقيرة وكفى
    هو الحيوان اللي فتن على لاو وكورا وضربهم , جعل يده ورجله الكسر
    هو وتسريحته الغبيه



    المعنى الحقيقي ل تبريد القلب




    موت كورا :""""""""""""""""""(
    ماعور قلبي الا لاو
    يصصرخ داخل الصندوق ويبكي بس بسبب قدرة كورا محد يسمع صوته
    شفتوا شخصية أعظم من كذا ؟
    حتى وهو عارف انه بيموت شايل هم لاو ومسوي قدرته عشان مايسمعون صوته
    لا ويقوله لم أخبرك انني جندي بحرية لكي لاتكرهني !
    وبعد ماقتله دوفي , حاول يبقى صامد لأطول فتره ممكنه لين يهرب لاو
    وخروا بصيح

    دوفي يتقبل أي شيء الا الخيانه , فما بالك بالخيانه من اخوه الوحيد
    جندي بحرية ويتجسس عليه , سرق الفاكهه وعطاها للاو وغيرها الكثير
    بس حتى ولو ياخي يبقى اخوك






    بنفس الطريقة , قتل أبوه واخوه :"(
    الزبدة الصور المتحركة ذي رهيبه , ماسكه نفسي لا أحط كل الصور اللي جمعتها

    بعد موت كورا فيه ناس يتوقعون انه تحول لذا الشخص



    هههههههههههههههههههههههههههههههههههههههههههههههههه ههههههههههههههههههههههههههه
    مععععليش وبقوه بعد
    والله لو يجي كورا بنفسه يقول انا ايفانكوف مابصدقه
    سسلامات !
    يقعد ميت احسن له
    يموت فخخم ولا يرجع لنا مصخره

    صراحه يعني وش جاب لجاب ؟
    التخيل لوحده مرعب
    لاو بينججلط لو صارت
    كفايه هبل فيه لوفي وقبعات القش ، بيفقد عقله نهائي لو صار هالشيء
    وه تخخيلت شكل لاو ، احسسه يفطس ضحك

    ممممينغو !
    كيف تتخيلون رده فعله ؟ بيتمنى يرجع للماضي ويقتله زي الناس
    لذا لو سمحتوا لاتتخيلون هالاشياء المرعبه


    المهم شابتر امس الجميل



    لاو يصدم الدون بخبر انه من ال D
    ياحليله بدأ السالفه ب " ما رأيك في مونكي دي لوفي
    "
    عارف ان لوفي أكثر شخص مسبب مشاكل بالعالم ومايهمه احد
    لا وبعدها يقوله انا من عائلة الدي
    عيال الدي رههيبين ياخي




    بدأ الانتقققققام
    لذا فلتستعد ، مينغو
    للحين ما ادري الدون بيقاتل لاو او لوفي , أتمنى لاو عشان تصفيه الحسابات
    بس أعتقد أنه بيكون لوفي في النهاية لأن لاو يقاتل من فتره طويلة وما اعتقد راح يقدر يكمل :ذذ:

    اييه صح مين هايكو ذا ؟
    مانبي تطلع لنا شخصيه رهيبه ثانيه وتموت
    واضح ان الفلاش باك حق لاو ما انتهى للحين .
    باقي يخبي مفاجئات كثير :ذذ:
    احس هايكو هو اللي علمه كيف يستخدم الفاكهه ودربه زين :ذذ:
    ولا استبعد يطلع لنا من الدي !
    لانه قال " كورا سان وهايكو لقد علموا جيدا ان الاسم لوحده سيدمرك .
    كانوا عارفين ان الدي لوحده بيرعب مينغو

    وختمنا الشابتر بذا الجمله الرهيبه .



    كورا سان كان الطف من أن يسحب الزناد ،
    لذا ! سأفعلها بدلا منه .
    ف خ ا م ه
    مدري ليه عيوني تتحول لقلوب حمراء في هالمواقف !
    أفكر أسحب ع الشابترات واجمعها لشهر تقريبا , أن شاء الله اقدر :ذذ:




    وأنتهينا .


    التعديل الأخير تم بواسطة M E S H ; 20-11-2014 الساعة 12:33 PM

  9. 12 عضو قام بشكر العضو M E S H على المشاركة المفيدة:


  10. #127
    الصورة الرمزية M E S H " i was here " مشرف سابق
    عضو

    تاريخ التسجيل
    Mar 2011
    الدولة
    Somewhere
    العمر
    21
    المشاركات
    4,293
    معدل تقييم المستوى
    4587

    افتراضي





    أحم أحم
    تمممميزت , يالله شعور التميز رهيب بصراحة
    ذا ثاني تميز لي بالشبكة
    على كثر السنوات اللي قعدتها هنا الا أني ماتميزت الا مرتين , كسل الله وكيلكم

    الزبدة أكتشفت أني ماشاء الله علي
    كل التميزين كانت بسبب موضوع واحد
    يعني غيري يكرف ويكرف طول الشهر وينزل مواضيع وانا موضوع واحد وأتميز

    زي أول مرره بتقرير نساء ون بيس


    < ذككككريااااااااااااااااااااااااااااااااااااااااااا اااااات , حتى اني كنت مشرفه سابقة

    والحين بموضوع الملحقات , ياالله لهدرجة انا مبدعه ؟
    < خلاص أخر مرره والله , قبل لايسحبون اللون مني

    عقبال ماتشوفوني بهاللون



    < الصوره حقيقية ليست مفبركه ولا مزوره
    هذا يوم سير حقق لي حلمي وغير لوني للوردي
    المشكلة الأيقونات هههههههههههههههههههههههههههههههههههههههههههههههههه
    مشرف سابق ومشرفه مدري كيف تجي مع بعض

    يلا أستقبل مباركاتكم وهداياكم طوال الشهر
    وانا عارفه ان محد معبرني لكن نحاول





  11. 11 عضو قام بشكر العضو M E S H على المشاركة المفيدة:


  12. #128
    الصورة الرمزية M E S H " i was here " مشرف سابق
    عضو

    تاريخ التسجيل
    Mar 2011
    الدولة
    Somewhere
    العمر
    21
    المشاركات
    4,293
    معدل تقييم المستوى
    4587

    افتراضي



    السلام عليكم ورحمه الله ،
    قود مورنينق , كيف الدوام اليوم ؟
    زمان عن المدونه بصراحه

    أنتهت الأجازة , اججازه شبه مخيسه للأسف
    مو مخيسه يعني ماطلعت وكذا
    لا بس اغلب مخططاتي لمشاهده الانمي تم الغاؤها
    كنت ناويه اكمل ناروتو وغيرها من الانميات
    بس راحت الاجازه زيارات وروحات وجيات لآخر نقطه بالاجازه
    حتى لاب توبي ماشغلته الا مرتين
    المره الاولى لتصميم رمزيات مع الفريق والمره الثانيه عشان اجهز الموضوع !
    < بس اخر يومين قدرت افتحه
    ايوه اشغال كثيره فوق راسي
    لدرجه سويت جدول مواعيد كل يوم زياره احد او استقبال !!

    الزبده ، حاليا جيت اسولف عن
    انميات خريف 2014
    تابعت كم واحد جميل والباقي في الطريق
    عجبتني بصراحه ، حلقات قليله وقصص مشوقه
    هذي المره الاولى اللي اتابع انميات ماتتعدا الثلاثين حلقه


    الأنمي الأول ،



    OokamiShoujoToKuroOuji

    عدد حلققاته / 12 حلقه - منتهي -
    نوع الانمي / مدرسي ، كوميدي ، رومآنس ، شوجو :ذذ:

    القصة ببساطه تتحدث عن الفتاه ايروكا اللي بدات سنه جديده في مدرسه جديده :ذذ:
    وعشان يصير عندها صديقات تبدا تكذب وتقول ان عندها حبيب
    وبالفعل تتعرف ع بنات ، الزبده بيطلبونها توريهم صوره حبيبها
    من الورطه ، بتروح تصور لهم واحد حلو بالشارع
    والصدمه ان الولد بيطلع بمدرستهم ومعروف مرره اسمه كيويا
    طبعا بتحكي له السالفه وكذا وبتطلبه يكذب معها لفتره
    بس الطامه الكبرى ان كيويا بيظهر على حقيقته الساديه ذات القلب الاسود اللي يخفيها عن الناس
    وبيقولها اذا تبيني اوافق على لعبتك الصغيره لازم تصيرين كلبي
    الغبيه بتوافق ومن هنا تبدا القصه
    تابعتها لان البطل فخخم وجميل بصراحه
    شخصية البطله مخيسه ، ماعندها كرامه وغبيه ترفع الضغط
    ماحب شخصيات البنات من هالنوع تقهرني .



    < ترا تحاول تبتسم

    Gugure Kokkuri san

    عدد حلققاته / 12 حلقة - منتهي -
    نوع الانمي / كوميدي ، مدرسي ، خارق للطبيعه ض1:

    تتحدث القصه عن الطفله كوهينا محبه الرامن
    اللي تلعب لعبه وتستدعي شبح اسمه كوكوري سان وهو أسوأ شبح
    طبعا تحاول تطرده بس هو مو راضي ينطرد بأي شكل من الاشكال
    ويوم شاف حياتها وكيف عايشه لوحدها وماتاكل غير الرامن بس قرر انه يسكن معها ويهتم فيها :ذذ:
    طبعا القصه فيها احداث اكثر وشخصيات بتظهر بعد بس هذي المقدمه
    الحلقه الاولى فطستني ضحك ، مررره رهيبه
    ايضا انمي كوكوري سان كان من اكثر الانميات المنتظره من انميات الخريف :ذذ:




    akatsuki no yona

    العرض / يوم الأربعاء
    عدد حلققاته / 15 حتى الآن .
    نوعه / رومانس ، كوميديا ، اكشن ، مغامرات , خيال .. الخ

    الأنمي ذا فخخخم بشككل
    جد اجمل انميات الخريف بلا منازع
    القصه باختصار تتكلم عن الاميره يونا
    في يوم ميلادها ينقتل ابوها من ولد عمها وصديق طفولتها اللي تحبه
    الزبده ينقذها صديقها وحارسها الشخصي هاك قبل لايقتلونها وبعدين يهربون سوا وتبدا القصصه

    هاك ويونا وولد عمها أصدقاء طفولة بس هو طلع حيوان



    ذا هاك الحب ، وه يازيينهه
    انا وقععت في حبه
    < تتخرفن بسرعه



    شوفوا الفخامه بس
    الزبدة الانمي كمية ججمال ، ماراح تندمووون


    بعد من الاشياء اللي تابعتها السنه الماضية




    مانجا / yankee kun to megane chan
    عدد شابتراته / 200 على ما اذكر - منتهي - :ذذ:
    نوعه / مدرسي ، كوميديا ، شويه قتالات

    المانجا الاولى اللي اتابعها غير ون بيس
    تضحك مرره ، وجميله
    قصتها الاساسيه تتكلم عن الجانحين بالمدارس
    * الجانحين هم اللي يتهاوشون مع اي احد واقوياء مره وتسذا ، زي المتنمرين !
    الزبده ، البطله هي اداتشي هانا ، مربيه الفصل
    جانحه سابقا ، كانت مرعبه لدرجه اي احد يسمع اسمها يخاف
    تدخل ثانويه مون شيرو وتحاول تصير منتظمه ومربيه الفصل
    المهم تتعرف ع شيناجاوا دايتشي الجانح اللي معها بالفصل وتنشب له وتخليه يتشطر معها
    القصه كوميديه ورهيبه ، تخيلوا تلاحقه حتى بالحمام عشان يسلم الواجب
    القصه لها تكمله ، بتتعرف ع اصحاب غيره وكذا
    الشيء اللي يقهر هو ان هالمانجا ماترجموا منها الا 100 شابتر
    جتني الصيحه وقسم ، شيء ينرفز ياخي
    ابي اعرف وش بيصير ، مشكلتي ماحب الترجمه الانجليزيه
    الظاهر بروح اتكلم مع مترجمين المانجا لعل وعسى يكملونها


    ايضا ، تابعت
    مانجا فيري تيل

    تابعت 180 شابتر بكم يوم بس :ذذ:
    صحيح الانمي اجمل بسبب الاحداث والصوت وكذا
    بس ما اعتقد راح القى وقت اتابع الانمي
    لذا المانجا هي الحل الامثل ، سهله وبالجوال
    وبعد مانجا فيري تيل مترجمه من اول شابتر لاخر شابتر ، وه يازينهم

    ناروتو باقي لي كم حلقه بس بالموسم الاول
    مدري متى راح اكمله ، اشغالي كثرت
    وهذا كان ملخصي للأشياء اللي تابعتها
    الدوام قرب ، قاعده استغل كل لحظه بالاسبوع ذا < أجازة

    يالله في امان الله ، نلقاكم في تقرير اخر



  13. 9 عضو قام بشكر العضو M E S H على المشاركة المفيدة:


  14. #129
    الصورة الرمزية M E S H " i was here " مشرف سابق
    عضو

    تاريخ التسجيل
    Mar 2011
    الدولة
    Somewhere
    العمر
    21
    المشاركات
    4,293
    معدل تقييم المستوى
    4587

    Cool



    سلام
    اخباركم جميعا ؟
    أشتقت للمدونه ياخي اذا ماكتبت فيها أحس ناقصني شيء
    ادري دخولي صاير قليل وكذا بس مايمديني ادخل كثير للأسف

    اليوم داومت وجيت من الدوام الساعه 3 مكسره ماشوف الطريق أبغى انام
    أمشي وانا اتخيلني منسدحه ع السرير ومكيف بارد وتسذا
    وتوني فتحت باب الغرفة وانا بموت من السعاده كلهم نايمين يعني مافيه أزعاج
    الا يطلع لي راس صغير من تحت البطانيات
    واطالع الا هي أختي الصغيره عمرها سنتين صاحيه هي واللي بالمتوسط
    والظاهر ينتظروني أرجع عشان استلم الدور في القعده معها
    تعرفون هذاك الصوت اللي داخلي , كذا فجأه صرخ " لاااااااااااااااااااااااااااااااا "
    ولولا الحياء والخوف لصرخت بصوت عالي وتسدحت ع الارض أبكي واشتم حظي بس خايفه امي تقوم وتصفقني
    الزبدة اني بالنهايه قعدت معها وصار لها ساعتين مسمجتني بطيور الجنه وكل شوي تطلب شيء
    ماصدقت تصحى الشغاله وتفكني منها , الله يصبرها متحمله غثاها وبأبتسامه

    لذا بما أني صاحيه للحين قلت أجي اسولف عن انمي جديد
    ادري ان مدونتي صارت للأنمي بس عاد تحملوني شوي !
    لاني هالسنه متحمسه وقاعده اعوض واتابع كل الانميات اللي ماتابعتها قبل
    مين يصدق اني قعدت سنتين بس اتابع ون بيس ولا فكرت اتابع شيء ثاني ؟
    ويوم بديت انفتح شوي تابعت فيري تيل !
    بس الحين حسيت اني كنت غبيه وفاتتني اشياء رهيبه وابي اتابعها

    الزبده ، الانمي اليوم هو هايكيو


    < صوت بنات يصارخون

    الأسم / haikyuu .
    يتحدث عن لعبة كرة الطائره :ذذ: < رهيبه هاللعبه
    عدد حلققاته / 25 حلقه ، وله موسم ثاني باقي مانزل
    انا اكثر وحده متحمسه للموسم الثاني
    المانجا مستمره بس للأسف مو مترجمه كلها والانمي اجمل

    القصه تتحدث عن هيناتا شويو
    يحب لعبه كرة الطائرة لانه مره شاف لاعب اسمه العملاق الصغير يلعب
    وصار هذاك اللاعب قدوته وبطله :ذذ:
    الزبده يتدرب ويقدر يلعب اخيرا بس للأسف تم هزيمته هزيمه ساحقه من ملك الملعب كاغياما
    طبعا السبب الرئيسي لان ماكان عنده فريق يلعب كره الطائرة زين
    المهم يدخل ثانوية كارسنو اللي كان فيها العملاق الصغير وينضم لفريق كرة الطائره
    وكل ذا عشان يهزم كاغياما
    بس الصدمة ان كاغياما بيطلع معه بنفس المدرسه و الفريق ومن هنا تبدا هواشاتهم والقصه بعد



    هيناتا شويو
    لقبه الاساسي باللعب هو الفخ المطلق وصاحب الرميات السريعه
    شخصيه رهيبه بشكل ، يتميز بسرعته ورده فعله وقفزاته العاليا رغم قصره :ذذ:
    يضحك مررره ، خاصه لما يخاف من كاغياما او يتوتر
    عاد لو تشوفون رميته السريعه مع كاغياما





    وه بس مدري شققول
    عيوني تتحول لنجوم مشعه من الححماس ، سوقووووووووي
    اطلق رميه بالانمي كله
    نظره الصدمه على عيون منافسيهم تععجبني
    هو بشكل عام سيء باللعب وتلقي الرميات بس هجومه السريع وسرعته هي اللي مميزته



    كاغياما توبيو ، ملك الملعب :ذذ:
    هذا الشخص ع قد جديته الا انه يضحك
    لقبوه بملك الملعب الاناني لانه يتحكم باعضاء الفريق ويلعب لوحده ويصارخ عليهم
    محد يقدر يسدد رمياته لانها سريعه بس هيناتا اول شخص قدر يسويها
    يشترك مع هيناتا بصفه ، ان كلهم يكرهون الخساره ومايستسلمون
    لو تشوفون شكله لما يعصب ، يموت ضحك



    هههههههههههههههههههههههههههههههههههههههههههههههههه ههههههههههههههههههههههههههههههه
    ترا ذي ابتسامته التشجيعيه
    قعد يحاول يصير طيب ويبتسم بس سبب صدمه للفريق



    لا وهيناتا بعد عنه وقاله مهما كان الذي تخطط له لن ينجح
    جد والله ابتسامه تدل ع الخبث والدناءه مستحيل تدل على خير
    وفيه مقطع مهما شفته الا أني اضحك كل مره أكثر



    هههههههههههههههههههههههههههههههههههههههههههههه مدري شققول , مقدر أشرحلكم الموقف لأني بخربه بشرحي



    نيشينويا
    وه بس ذا الحب بعد هيناتا
    موقعه بالملعب المدافع :ذذ:
    طريققته بصد الرميات ، تجنننننننننن



    في وحده من الحلققات جات الرميه بعيده عنه وماكان يقدر يلحقها بيده
    وفجأه الا يمد رجوله ويشوتها على فوق
    عيوني عنده تصير قلوب حمراء ، رهيب
    عاد هو يستانس ع كلمه سينباي ، اي شخص يقوله ه الكلمه يطيح من السعاده
    زي هيناتا يوم شاف طريقته بصد الرميات ، طلب منه يدربه
    قاله ارجوك دربني نيشينويا سينباي
    من السعاده طاح ع الارض وقام وحط يده ع كتف هيناتا وقاله
    " انت ! سأشتري لك المثلجات بعد التدريب ، لأني انا السينباي !
    هو اقصر واحد بالفريق بس يكره احد يقوله كذا
    هيناتا اول ماشافه قعد يصيح ويقول اول مره بحياتي اناظر تحت عشان اتكلم مع احد



    تاناكا ، الشخصيه الكوميديه
    أكثر شخص محلي الانمي
    يموووتت ضحك خاصه لما يناظر الناس بنظرته الخبيثه

    بوحده من الحلقات كانوا بيلعبون ضد فريق
    الزبده اعضاء الفريق قعدوا يحشون فيه ويقولون عنه اصلع وغبي وذا نظره دنيئه
    وفجأه الا يطلع لهم من ورا الجدار ويعطيهم هالنظره ههههههههههههههههههههههههههههههههههههه



    ياكثر الحلقات اللي يسوي كذا

    بنفس اللحظه ذي يوم كانوا أعضاء الفريق يقولون عنهم انهم مايعرفون يلعبون وفاشلين
    عطاهم هذيك النظره الفخمه وقالهم " لاتقللوا من شأننا كثيرا أو سنأكلكم أحياء



    هو ونيشينويا يتشاركون بحبهم لكلمه سينباي وحبهم لمديرة الفريق



    < ترا كل الشخصيات خاقه عليها ولا أدري ليه , عاديه وهاديه !

    فيه شخصيات ككثيره جميله وتعجبني بس مافيني اتكلم عنهم
    بقيه اعضاء فريقه كلهم رهيبين فردا فردا :ذذ:

    وحقين فريق نيكوما الفخمين





    < هالفريق نسخه فريق كارسنو , كل عضو له شبيه من الفريق الثاني

    وبعد مدربهم الرهيب اللي ماغير ينفث الدخان من فمه ويوزع نظرات خبيثه



    مدربهم ذا يجننن , مرررررررره رهيب

    فيه لقططات كثير تضحك مررره , موتتني ضحك لدرجه أصور وانزل بالسناب
    كان ودي أتكلم عنها بس مالقيت لها صور متحركه للأسف < مدمنه صور
    عاد اللي ماتابع ه الأنمي وش تنتظر ؟
    فخخخخخخخم مررره حببني بأنميات الرياضه
    أحلى شيء أني عرفت كيف تنلعب كرة الطائرة , عشان يصير عندي خبره اذا لعبناها
    < على فكرة كنت كل يوم العبها مع اختي وبنت خالتي و بزارين العائلة !

    جايتكم بتقرير ناروتو الموسم الأول بس أصبروا علي يومين
    ترا معتبره مدونتي مرجع للأنمي هالفترة !
    معسلامه ,


    التعديل الأخير تم بواسطة M E S H ; 09-02-2015 الساعة 05:56 PM

  15. 12 عضو قام بشكر العضو M E S H على المشاركة المفيدة:


  16. #130
    الصورة الرمزية M E S H " i was here " مشرف سابق
    عضو

    تاريخ التسجيل
    Mar 2011
    الدولة
    Somewhere
    العمر
    21
    المشاركات
    4,293
    معدل تقييم المستوى
    4587

    افتراضي



    ياااااه بسحب ع الدوااام بكره لأني مسافره
    اليوم سحبت وبكره بسحب وبعده اوف
    اميره السحبات
    محد يسحب ع الجامعه مثلي بالحياه
    كلهم دوافير ماعدا وحده معي من الثنوي وبالانقلش يازينها
    هذي ملكه السحبات تخيلوا للحين ماداومت
    يعني انا اهون داومت الاسبوع الماضي وذا بعد
    وهي مافكرت بالمحاضرات ابد ، مريحه بالها
    الترم الاول قلنا بيطلع لها حرمان من كثر الغياب
    لكنها نجحت ولا حملت ولا ماده
    صارت قدوتي

    بالنسبة لي ضميري ميت ولاّ داومت
    بس محاضره وحده ليه اداوم عشانها ؟
    اصلا تخيلوا اداوم وتعتذر الدكتوره ؟ بشنق نفسي من القهر
    والمشكله ان باصنا مايروح الا العصر
    تخيلوا من 7 الصبح للعصر وانا منثبره بالجامعه
    مععصي !
    خذوا الحياه ببساطه ، باقي الترم طويل
    < مو زي قريبتي اترجاها ساعه تغيب مو راضيه تقول فيزياء ياحبيبتي ماعندنا لعب
    احسن تستاهل ، قلت الاختصاصات عشان تدخل فيزياء ؟

    وبعدين معقوله يعني محد يزور مدونتي الا كم واحد
    يامال الصلاح اضغطوا شكر حطوا تعليق حسسوني ان فيه احد يقرا كلامي
    المفروض نحط وسام لاكثر شخص يزور المدونات ويشكرها
    الحين الرد اللي فوق متعبه نفسي وكاتبه تقرير عن هايكيو وبس 4 شافوه
    من جدكم ؟ عيب عليكم
    اصلا اللي يزورون مدونتي دايم احبهم
    بصير اوزع هدايا بعد كل 3 ردود بالمدونه للي يقرا كلامي
    اذكر اول مايحتاج حتى انشر ردي والقى شكر كثير ، وراكم نايمين
    يازين الشبكه اول بس
    فتحتوا جروح الماضي < وش دخل ؟

    بس يعني عطوني وجه
    وتصبحون على خير يالمداومين



  17. 11 عضو قام بشكر العضو M E S H على المشاركة المفيدة:


  18. #131
    الصورة الرمزية M E S H " i was here " مشرف سابق
    عضو

    تاريخ التسجيل
    Mar 2011
    الدولة
    Somewhere
    العمر
    21
    المشاركات
    4,293
    معدل تقييم المستوى
    4587

    افتراضي



    مسساءكم سعادة
    مساء اول يوم بالأجازه الجميله
    ايوه انا عطلت ولله الحمد والمنه ، مابغيت xD
    اختبارات وكرف طول هالاسبوع
    كنت ساحبه ع اختبار امس واختبرته اليوم < ومايحتاج اقولكم عن العيد اللي بالاختبار
    تركت سؤال عليه عشر درجات ماحليته لاني ماذاكرته اصلا
    لكني خرجت مبسوطه وطايرة من الفرحه لأني عطلت ، مافرقت معاي ببساطه
    الحين ابي اكمل مانجا فيري تيل وانمي ace of diamond



    أنمي فخخخخخخخخم ، عن رياضة البيسبول
    قايلة لكم حبيت انميات الرياضة بعد هايكيو
    ان شاء الله اذا خلصتة اجي اتكلم عنه :ذذ:
    قسسم شيء رهيب وححماسي وكلش
    وحتى الشخصيات من جمالهم بتتعبون عشان تختارون شخصية مفضلة بينهم
    واللي يبي يتابعه ترا الموسم الاول بيوقف مدري وقف ع الحلقه 75 وبينزل الثاني وراه ع طول
    مب مثل هايكيو قاعده انتظرة من زمان !
    بس سمعت انهم نزلوا له اوفا قبل كم يوم ، بروح ادور عليها _
    وع طاري ناروتو شيبودن سحبت عليه
    شفت عشرين حلقة ووقفته ، جاني خمول مافيني اتابعه مدري ليه
    بس مازلت متحمسة له عشان كذا بحمل الحلقات باللاب عشان يسهل متابعته
    امممممم ووش بعد
    ايه وش فيهم الاعضاء خاملين ونايمين ، ليه الشبكة تجيب النوم ؟
    صحصحوا بدأت الاجازه
    ووشسمه مره ثانية ذا حسابي بتويتر

    Mesh18_


    اتشرف بمتابعتكم ياحقون الانمي والمانجا ، واسبيشلي متابعين مانجا ون بيس
    أحب اشوف اراءهم عن الشابترات :ذذ:
    وبس الى هنا انتهي ، لي عودة فيما بعد .


    التعديل الأخير تم بواسطة M E S H ; 18-03-2015 الساعة 12:38 AM

  19. 9 عضو قام بشكر العضو M E S H على المشاركة المفيدة:


  20. #132
    الصورة الرمزية M E S H " i was here " مشرف سابق
    عضو

    تاريخ التسجيل
    Mar 2011
    الدولة
    Somewhere
    العمر
    21
    المشاركات
    4,293
    معدل تقييم المستوى
    4587

    افتراضي



    السلام عليكم ورحمه الله
    > مابقول اخباركم لأن محد يرد علي
    دام أني فاضية وزمان عن المدونة وون بيس جيت أسولف عنه

    حلققه ون بيس 687 الأسطووريه

    طبعا يوم الأحد دخلت البيت متحمسه كله عشان الاوبينينق
    عرفت ان كورا ولاو وهو صغير بيطلعون فيها

    الزبده ويالله احاول بالنت نص ساعه لين قدرت افتح الاوبينينق
    للأسف بعد الجهد ذاك كله طلعت مزوره ، مب الحقيقيه


    بس قسما شيء فخخخخخخخخخخخخم
    أطلق من الحقيقيه بمليون مرره


    تبدأ ب جمله " let's fly to the sky "
    ثمن كلام ياباني رهيب


    ظهرت فيه كل الشخصيات !
    مقطع لكوالا وجينبي يقاتلون ب كاراتيه اليوجين سوا
    ومقطع للسوبر نوفا " كيد ، كيلر ، ابو ، وهاوكينز

    الزبده وبعد هالمقطع يجيك لاو ولوفي يقاتلون سيزار ويضربونه
    وبعدها يوقفون جنب بعض ويبتسم لك لوفي ابتسامته الرهيبه ذيك
    ويقوم لاو يناظر له بنظره انت مسبب المشاكل ثمن يبتسم معه
    مقطع اسطوري


    وبعد فيه مقطع رهيب ثاني
    لوفي يكون واقف وفجأه تجي نار من جنبه ويطلع لنا ايس
    و يتكلمون سوا و يلف ايس ويأشر لشخص واقف اللي هو سابو ، كأنه يقوله احنا هنا تعال
    واول مالتفت لوفي وشاف سابو قام يصيح

    رهييييييييييييييييييب بشكل مش طبيعي

    المهم نهاية الفيديو بيقاتلون لاو ولوفي الدون وتسذا :ذذ:
    فيه شخصيات كثير ظهرت بس ذي ارهب المقاطع
    < على فكرة ذا الاوبينينق المزور الاسطوري


    الحقيقي جمممميل بعد ، صراحة يمشي حاله
    واجمل شيء ظهور كورا ولاو وايس وسابو
    بعد لقطه الادميرالات فخخمه صراحه

    بس ماوفقوا بأختيار الاغنيه ماعجبتني
    لذا المزور طلع فخخخم واسطوري أكثر

    الزبده ماكنت ناويه اعلق ع الحلقه لأني علقت عليها بالمانجا
    بس سابو
    يوم يتذكر موت ايس ، خلاص شوي واصيح

    ولا يوم يقول لفوجي انه هذه غلطتك ، كيوتت
    وبعدها صدمة البحرية بأخوة لوفي الحلوين , ياخي نادر تلقى اخوان حلوين تسذا

    الزبدة ، افكر افتح مدونة وورد بريس ! عشان اسولف فيها عن الأنمي
    واحلل شابترات على كيفي وتسذا ، احسه حماس
    ولا أستمر ع المدونه الجميله ذي ؟
    المشكلة محد معبرني , مالت عليكم يالأصنام
    بفتح مدونة وانشرها وستندمون

    يلا معسلامة , أشوفكم بالويكند !
    أصلا بكرة بداوم والخميس أوف , مميزات الجامعه .

    * يوه وصلت للصفحه 9 , بروح أحذف أشياء قديمه *


    التعديل الأخير تم بواسطة M E S H ; 07-04-2015 الساعة 05:54 PM

  21. 9 عضو قام بشكر العضو M E S H على المشاركة المفيدة:


  22. #133
    الصورة الرمزية M E S H " i was here " مشرف سابق
    عضو

    تاريخ التسجيل
    Mar 2011
    الدولة
    Somewhere
    العمر
    21
    المشاركات
    4,293
    معدل تقييم المستوى
    4587

    افتراضي



    مساء الخير
    اخباركم مينا ؟ ان شاء الله بخير


    انتهت اجازتي اليوم للأسف
    كان عندي اجازه من يوم الاثنين لأني خلصت دراسه
    وكنت ماغير اشغل اللاب واحمل حلقات واتفرج وعلى هالحال :ذذ:
    بس الويكند ممل ماسويت شيء بس نوم
    زي الويكند السابق كان نحيس مرره
    يوم الجمعه فصل النت حقنا
    صحيت الساعه 8 صباحا وافتح النت بجوالي ابي اشوف الرسائل واكتشف ان باقه الانترنت خلصت
    يعني النت حقنا انتهى اشتراكه ولازم نجدد
    عاد كنت محمله مانجا ببرنامج مانجا روك ويقالك بتابعها في ذا الملل
    ومدري وش صار مارضت تفتح ولا البرنامج بكبره يفتح


    قمت قلت عادي عادي وغسلت وصليت وشغلت اللاب على اساس بتابع حلقات من ناروتو ودايا
    الصدمة الكبرى ان اللاب ماشتغل وطلعت لي هذيك الشاشه الزرقاء
    وانا اللي انفجع ، كان فيه طريقه لتصليحه بس نسيتها والنت طافي


    وتعالوا شوفوا كمية الطفش اللي حسيت فيه
    بدايه اجازتي نحس
    شغلت روايه بجوالي حفظتها من كثر ماعدتها وقعدت اقراها


    والظهريه بعد الجمعه جبت خواتي وعلمتهم على ذي اللعبه بعد عناء




    وطبعا فزت عليهم مع اننا تجاهلنا الكثير من القوانين


    جت امي دخلت علينا بوسط اللعب وقالت هاه مشاعل تعرفتي على خواتك اليوم ؟ ان شاء الله عجبوك
    بحكم اني دائم على اجهزتي ونادر العب مع الصغار واعبرهم
    قلت يمشي حالهم ☺


    المشكله امي اكثر وحده على جوالها وتتكلم
    ماتحملت القعده بدون نت وراحت استبدلت نقاط قطاف بباقه انترنت
    انا بغيت اسويها بس نقاطي ماتكفي
    بعد الغداء رحت نمت للمغرب ، ماقدرت اواصل ع الفاضي
    حسيت بملل فضضضضيع ، التلفزيون مافيه شيء زين واللاب مايفتح والجوال مامنه فايده
    بعد المغرب جت بنت خالتي وقمت سويت لهم حلا
    ولا اختي تقولي خلينا نسويه الحين قبل مايرجع ابوي
    لأن لو رجع النت قبل ماتسوينه بتسحبين علينا وبتخلينا ناكل معمول او بسكوت مع القهوه
    < مجربين xD


    لا ومن زود الفضاوة سويت لهم بيتزا بعد
    المهم وعاد النت بسلام ، ياخي من كثر ماتعودنا عليه صرنا مانعيش بدونه
    استغفر الله صايره حياتنا بدونه تطفش وتجيب النوم
    لدرجه نروح نتعرف على افراد العائله الكريمه لما ينقطع النت
    اخبار العالم تنقطع عنا بعد !
    طول اليوم افكر برسايل الواتس خايفه ان قريبتي ترسلي خلينا نتجمع ولا شيء زي كذا
    اوف شيء مش طبيعي يا جماعه
    رجعونا لعالم ماقبل التطور ، ع الاقل كان النت شيء زايد بحياتنا نرجع له لما نطفش
    مو زي الحين نعيش ع النت ونرجع للحياه الواقعيه لما يفصل


    الزبده اختباراتي بتبدا الاسبوع ذا
    بتكون بيوم 14-15-16-21 / 7 ويوم 1 / 8
    وبعدها تبدأ الاجازه السعيدة ونرتاح من غثا الجامعه ❤❤❤❤❤
    وعلى طاري الغثا والنكد قاعده اقرا روايه سعوديه وكرهتني عمري
    كل اللي يحبون بعض تفرقوا
    وش ذي الروايه اللي ابطالها مو راضين يتزوجون اللي يحبونهم !
    ياليت واحد منهم بس تزوج اللي يحبها ، ولا واحد كلهم مع ناس مايحبونهم
    خلاص مب قادرة استحمل القهر وصل حده عندي
    باقي لي صفحتين واشوف النهاية معهم
    < صفحتين كامله بمنتدى


    الزبدة بسحب ع المدونه لبعد الاختبارات ومن تبدا اجازتي ببلشكم ☺
    تابعت مانجات شوجو وش كثرها وفيري تيل وبديت بناروتو والقائمه بازدياد غير الانمي طبعا


    اهم شيء دعواتكم اجيب معدل احسن من الترم الاول
    وموفققين جميعا



  23. 7 عضو قام بشكر العضو M E S H على المشاركة المفيدة:


  24. #134
    الصورة الرمزية M E S H " i was here " مشرف سابق
    عضو

    تاريخ التسجيل
    Mar 2011
    الدولة
    Somewhere
    العمر
    21
    المشاركات
    4,293
    معدل تقييم المستوى
    4587

    افتراضي



    صباح النور والسعادة
    اححم اححم أبارك لنفسي ع الأجازه , بدأت من يوم الثلاثاء
    بس ولا كأنها إجازه ياجماعه
    < حطوا لنا فيس القلب المكسور تبع الواتس احتاجه بشدة

    حاليا عندنا ظروف بالبيت والنت بعد كمية خياس
    مايشتغل زين الا بعد نص الليل للظهر فقط
    مب حاله ذي والله ، بدأت اعكس نومي اجاري النت
    عندكم كلكم كذا ولا بس احنا ؟
    علموني ابي اعرف البلا من وين

    الزبده ماعندي سالفه مدري شقول !
    بس جيت اقهر اللي ماعطلوا وتسذا

    +

    صور من الشابتر | 787 | لِ ون بيس

    حرق | ون بيس :




    فخخخم صح
    ياخي وجهه يجيب السعادة
    ويوم ضحك شيء ثاني قمت ابتسم معه لاشعوريا
    أجمل شيء بالشابتر هو , من اول انتظر هاللحظه !


    بالنسبه لمانجا ناروتو قايدن:ذذ:

    حرق ناروتو قايدن:
    _
    حرق ناروتو قايدن:



    انا عارفه ان ساسكي حيوان
    شوفوا بنته متحمسه تقابله وتتخيل لقائهم ومن قوه الشوق فعلت الشارينقان
    ويروح هو يرفع سيفه بوجهها و يقولها هل انتي من اللذين يلحقون بي؟
    سبب لها صدمة عاطفيه , ابوها ماعرفها
    رحمتها قسم ، حسبي الله عليه !

    ترا وشسمه انا انتيز لساسكي ، اكرهه ماطيقه ابد
    حقد من الجزء الأول وكبر بشيبودن
    سبب المعاناه لناروتو تبا له ولأمثاله
    و ساكورا مب بعيده عنه
    من شفتها تقول لناروتو احبك والحقد يتغلغل بصدري

    يازين ناروتو بس
    وياززين ولده بوروتو ، كيوت بشكل
    ويازين عائلته واهله وكل شيء له علاقة بناروتو انا احبه


    الزبدة بعدين بجي اتكلم عن ناروتو وبفصفصه لكم وما إلى ذلك
    حاليا بلف ع الشبكة شوي واخمد , النوم ذبحني
    تمسون ع خير


    التعديل الأخير تم بواسطة M E S H ; 23-05-2015 الساعة 09:56 AM

  25. 5 عضو قام بشكر العضو M E S H على المشاركة المفيدة:


  26. #135
    الصورة الرمزية M E S H " i was here " مشرف سابق
    عضو

    تاريخ التسجيل
    Mar 2011
    الدولة
    Somewhere
    العمر
    21
    المشاركات
    4,293
    معدل تقييم المستوى
    4587

    افتراضي



    30 | شعبان !


    مضت بنا الأيام وتعاقبت الأسابيع وتوالت الشهور ، واقترب قدوم ذاك الضيف ،
    رمضان يارائحة الجنة ، يا شهرًا مليء بالرحمة والغفران ، تتصادح فيك المآذن حاملة صوت التكبير ، ويعلو نداء المؤمنين ودعاؤهم :
    اللهم بلغنا رمضان اعواما عديده
    كل عام وانتم إلى الله أقرب .

    _

    ودي أهنيكم فردا فردا بس صعبه والله وبصراحة يعني ماني فاضية
    ياخي رمضان أجمل الشهور فعلا , كذا تحسون بكمية سعادة من الأسم لوحده
    يخليني امشي وانا اوزع أبتسامات للعالم !

    يالله زبدة الكلام , أللي يقرا ردي هنا يجي يرد علي بالزوار حسسوني بشعور رمضان
    عاد لاتسحبون حتى لو شفتوا الرد متأخر



    التعديل الأخير تم بواسطة M E S H ; 17-06-2015 الساعة 08:27 AM

  27. 8 عضو قام بشكر العضو M E S H على المشاركة المفيدة:


  28. #136
    الصورة الرمزية M E S H " i was here " مشرف سابق
    عضو

    تاريخ التسجيل
    Mar 2011
    الدولة
    Somewhere
    العمر
    21
    المشاركات
    4,293
    معدل تقييم المستوى
    4587

    افتراضي



    كل عام وكل يوم ؛ وكل لحظه من سنينكم وانتم بخير
    وكل اعيادكم هناء يارب

    وكل عام وقلوبكم تحتويها السعادهه


    مييته نوم وساحبه ع الغيبوبه الجماعيه عشان اهنيكم
    مافضيت لا امس ولا اليوم

    So Happy Eid everyone




  29. 2 عضو قام بشكر العضو M E S H على المشاركة المفيدة:


صفحة 8 من 9 الأولىالأولى ... 6789 الأخيرةالأخيرة

المواضيع المتشابهه

  1. "[تاريخ الون بيس]""[نجاح وتميز]""[ مقدمة من : ĻÜҒ∫ỹ ]"
    بواسطة Ḓ7ṁịị ♥ في المنتدى قسم التقارير
    مشاركات: 50
    آخر مشاركة: 05-04-2012, 11:37 PM

الكلمات الدلالية لهذا الموضوع

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  
Powered by vBulletin®
Copyright © 2017 vBulletin Solutions, Inc. All rights reserved.
SEO by vBSEO ©2011, Crawlability, Inc.