.



صفحة 3 من 4 الأولىالأولى 1234 الأخيرةالأخيرة
النتائج 35 إلى 51 من 63
  1. #35
    الصورة الرمزية AKAYNO SAN » أبـو مـارشـآل إداري سابق
    تاريخ التسجيل
    Sep 2010
    الدولة
    k.s.a
    المشاركات
    3,194
    معدل تقييم المستوى
    4295

    افتراضي رد: بِــــكُـل بســآطه أكــآيـنـو ســــان ♥♥ ..



    تغريده ..

    بعض الأسماء تحتاج إلى { تاء مربوطة } و تنجح !! ..

    ..


    التوقيع
    سُبحان الله وبحمده سُبحان الله العظيم ..

  2. #36
    الصورة الرمزية AKAYNO SAN » أبـو مـارشـآل إداري سابق
    تاريخ التسجيل
    Sep 2010
    الدولة
    k.s.a
    المشاركات
    3,194
    معدل تقييم المستوى
    4295

    افتراضي رد: بِــــكُـل بســآطه أكــآيـنـو ســــان ♥♥ ..



    BrB Exam ..

    دعوآتكم لي بالتوفيق ..

    سُبحان الله وبحمده سُبحان الله العظيم ..



  3. #37
    الصورة الرمزية AKAYNO SAN » أبـو مـارشـآل إداري سابق
    تاريخ التسجيل
    Sep 2010
    الدولة
    k.s.a
    المشاركات
    3,194
    معدل تقييم المستوى
    4295

    افتراضي رد: بِــــكُـل بســآطه أكــآيـنـو ســــان ♥♥ ..



    BACK ..

    الحمد لله إنتهت الأختبارات بخيرها وشَرها ..




  4. #38
    الصورة الرمزية AKAYNO SAN » أبـو مـارشـآل إداري سابق
    تاريخ التسجيل
    Sep 2010
    الدولة
    k.s.a
    المشاركات
    3,194
    معدل تقييم المستوى
    4295

    افتراضي رد: بِــــكُـل بســآطه أكــآيـنـو ســــان ♥♥ ..



    عودة بطعم الخُوخ > بحكم أنه منقرض في هالموسم ..

    أمممممم , تقريباً الجميع يلاحظ أني أُركز في مدونتي على عدة عنآصر ومن ثم أقُوم بتكرارها , ومتى ماسمحت
    لي الفُرصه لزياده عُنصر قُمت بذلك , ولكني لاأعلم هل هذه الفِكره مُناسبه ؟ أم أن فِكرة " الكت " كما أسميها , يعني
    اللخبطه والكتابة عن جميع المواضيع هي الأنسب ؟ ..

    نستقبل أرآئكم على التقييم ..

    عُموماً , لنُكمل تدوينتنا ..

    إستمراراً لحملة " زد ثقافتك " , والتي كتبت بها الرد الأول قبل مُده ليست بالطويله ولا القصَيره ..
    على هذا الرابط : بِــــكُـل بســآطه أكــآيـنـو ســــان ♥♥ .. ..

    نُكمل اليوم ولكن ببرنآمج آخر .. تريدون التعرف عليه ؟ إن اردتم ذلك فلننطلق ..



    سبآق المُشاهدين : برنامج ثقافي كوميدي كان يُعرض على القناه السعوديه الأولى قبل 10 سنوآت وأكثر , وكان
    يستقبل ضيفين من كافة أنحاء العالم العربي على مدار 20 حلقه في شهر رمضان المبارك ..

    فكرة البرنآمج : للبرنآمج فكره خاصه هي عبارة عن عدة مواضيع تُعرض على هيئة أرقآم الجوال , من 1-9 , تحت كل رقم
    إختصاص مُعين , بعد إختيار الرقم المطلوب من المُتصل , يظهر الأختصاص ويتم سؤال المُتصل في الأختصاص الظآهر
    أمامه , وكلا الضيفين يحملان إجابتين مختلفيتن إحداهما صحيحه , ويستمر مسلسل إقناع كُل ضيف المتصل بقول
    أن إجابته هي الصحيحه ..

    مُقدم البرنآمج : الأستاذ حامد الغآمدي ..

    موآسم البرنآمج : 11 موسم ..

    آخر موسم : عرض الموسم الحادي عشر على القناه الرياضيه الموسم الماضي , حقيقةً لم أقم بمتابعته ولكني مُتأكد أنه
    نجح لان فكرة البرنآمج وشعبيته كبيره جِداً في المملكه العربيه السُعوديه ..

    لمتابة حلقات البرنآمج : بإمكانك مُتابعة حلقات البرنآمج من الموسم الأول وحتى الأخير على موقع البرنآمج الرسمي , وكذلك
    بإمكانك مُتابعه الموسم الحادي عشر على موقع اليوتيوب ..

    بالتوفيق ..



  5. #39
    الصورة الرمزية AKAYNO SAN » أبـو مـارشـآل إداري سابق
    تاريخ التسجيل
    Sep 2010
    الدولة
    k.s.a
    المشاركات
    3,194
    معدل تقييم المستوى
    4295

    افتراضي رد: بِــــكُـل بســآطه أكــآيـنـو ســــان ♥♥ ..



    دايماً مايوصلني شُكر الأعضاء المتتابع , ودايماً كان ودي أصُور لكن للأسف مالحقت
    أصُور إلا صورتين فقط لاغير ..

    " 1 ":


    الله يعطيكِ العافيه " أورنج " هانم نردها لك بالافرآح إن شاء الله ..


    " 2 ":


    ماقصَرت يابعدي لوفي , والله لايحرمنا طلآتك ..

    شَطحه ^_^:


    هذه صوره لقيتها بالمستندات قبل شَوي وقلت لازم أشطح بها شَوي , عموماً هالصُوره كانت
    لأحد الدروس اللي حآولت أفهمها في مادة الفيزياء الكريهه , والحمد لله عدت سلآمآت ..

    موفقين ..



  6. #40
    الصورة الرمزية AKAYNO SAN » أبـو مـارشـآل إداري سابق
    تاريخ التسجيل
    Sep 2010
    الدولة
    k.s.a
    المشاركات
    3,194
    معدل تقييم المستوى
    4295

    افتراضي رد: بِــــكُـل بســآطه أكــآيـنـو ســــان ♥♥ ..



    تغريده ..

    رجل بطيبة قلبه يُساعدك , ولكن للأسف ! هو لايعلم أنه فعله هذا يضُرك ..

    بِقلمي ..



  7. #41
    الصورة الرمزية AKAYNO SAN » أبـو مـارشـآل إداري سابق
    تاريخ التسجيل
    Sep 2010
    الدولة
    k.s.a
    المشاركات
    3,194
    معدل تقييم المستوى
    4295

    افتراضي رد: بِــــكُـل بســآطه أكــآيـنـو ســــان ♥♥ ..



    قبل تقريباً ساعتين من الآن , وكالعاده وبعد التشييك السريع على المُنتدى العزيز , قُمت بالذهاب فوراً
    لموقعي المُفضل " اليوتيوب " , ووقعت عيني على مقطع مُدته 54 دقيقه , يحكي عن قصه لا أستطيع
    وصفها حقيقةً ولكن فيها من الصبر والعبر الكثير الكثير ..

    أتمنى مِنكم سماعها كاملةً , وصدقوني فقط قُم بسماع العشر دقائق الأولى , وسيمضي باقي الوقت سريعاً ..




  8. #42
    الصورة الرمزية AKAYNO SAN » أبـو مـارشـآل إداري سابق
    تاريخ التسجيل
    Sep 2010
    الدولة
    k.s.a
    المشاركات
    3,194
    معدل تقييم المستوى
    4295

    افتراضي رد: بِــــكُـل بســآطه أكــآيـنـو ســــان ♥♥ ..



    تغريده ..

    من البشر من يهوى التنقيب عن السقطات و لا يدري أن هوايته هذه أكبر سقطه !!



  9. #43
    الصورة الرمزية AKAYNO SAN » أبـو مـارشـآل إداري سابق
    تاريخ التسجيل
    Sep 2010
    الدولة
    k.s.a
    المشاركات
    3,194
    معدل تقييم المستوى
    4295

    افتراضي رد: بِــــكُـل بســآطه أكــآيـنـو ســــان ♥♥ ..



    دردشه ماقبل المُذاكره ..

    قبل شَوي ذهبت لمجلسنا الجَميل , طبعاً بغرض المُذاكره .. وتعرفون الخنبقه اللي قبل المذاكره , يعني
    تروح تدور أقلآم ودفآتر بغرض تضييع الوقت , ولا تشغل التلفزيون وتتفرج شوي , وإلا إذا معك آيفون عاد تقعد
    تطقطق شَوي ..

    المهم مآلكم بالطويله , شغلت التلفزيون , ورديت على قنآه وإلا مسلسل خليجي , طبعاً أنا ما أكره في حياتي مثل
    المسلسلات الخليجيه , وطبعاً قبل مايبدأ المسلسل تعرف القصه كلها وتعرف وش يصير بالنهايه , لان ببساطه السينآريو
    تقريباً يتكرر , يعني مثلاً :

    يبدأ المسلسل وتجي بنت تتعرف على ولد , وآخر المسلسل يطلعون أخوان .. وألا عائله أبوهم على وشك يموت وهم
    يتضاربون على الورث , وهاتك 30 حلقه , ببساطه كلآم فاضي ..

    المهم من المسلسل اللي أكلمكم عنه , كانت فيه بنت في غرفتها , طبعاً ساكنين في فله , قاعده تقرأ في كتاب وأشوي
    إلا يطلع ثعبان في نص الغرفه , أموووت وأعرف من وين جاء هالثعبان ؟ ..

    يعني والله ماحنا دلوخ بصَرآحه , سآكنين في حي راقي , وفي فله وسط المدينه , ويطلع ثعبان في نص الفله , بصَرآحه
    هذا استخفاف في عقل المشاهد مع إحترامي للمشاهد , ودلاخه من المخرج بالطبع ..

    المهم الوقت روح وأنا لسى أبثر عليكم , دعوآتكم لي بالتوفيق , عندي فيزياء يوم السبت , إختبار فاينل , والله يوفقني
    ويوفق الجميع إن شاء الله ..

    عسآكم على القُوه ..

    ..



  10. #44
    الصورة الرمزية AKAYNO SAN » أبـو مـارشـآل إداري سابق
    تاريخ التسجيل
    Sep 2010
    الدولة
    k.s.a
    المشاركات
    3,194
    معدل تقييم المستوى
    4295

    افتراضي رد: بِــــكُـل بســآطه أكــآيـنـو ســــان ♥♥ ..







    الله يبآرك فيكم وعقبآلكم ..

    بعد طُول إنتظآر ولله الحمد وصلنا للمشآركه رقم 3000 ألآف , وبإذن الله الألفيه القآدمه بتكون أسرع
    من هالالفيه بكثير ..

    إيه بعد وش رآيكم فيني يوم أني نزلت صُوره لمشآركآتي وهي 3000 الآف وهالرد أصلاً
    رقمه 3000 ؟ سَريع مُو ..

    موفقين ..



  11. #45
    الصورة الرمزية AKAYNO SAN » أبـو مـارشـآل إداري سابق
    تاريخ التسجيل
    Sep 2010
    الدولة
    k.s.a
    المشاركات
    3,194
    معدل تقييم المستوى
    4295

    افتراضي رد: بِــــكُـل بســآطه أكــآيـنـو ســــان ♥♥ ..



    أشهدُ أن لا إله إلا الله , وأشهد أن مُحمداً عبده ورسوله ..

    اليوم وكالعاده , أقلب في مقاطع اليوتيوب , وبالصدفه دخلت على أحد المقاطع التي جذبني عنوانها ..

    داعيه هندي الجنسيه , يقوم بدعوة الناس إلى الأسلام في بريطانيا , طبعاً له قناه خاصه في اليوتيوب , ولكن للأسف
    جميع المقاطع باللغه الأنجليزيه , ووجدت له بعض الماقطع المُترجمه , والتي أود طرحها عليكم ..

    - في أقل من 8 دقايق , إستطاع أن يُدخل أحد الكاثلوكيين في الأسلآم ..



    - كعادته يدعو إلى الأسلام في الطريق العام , وأستوقف رجلاً بغرض دعوته إلى الأسلام
    ولكن في ... أكملوا المقطع حتى تكملوا القِصه ..




    حقاً الأسلآم دين الفخر والعِزه ..


    التعديل الأخير تم بواسطة AKAYNO SAN ; 20-05-2012 الساعة 10:55 PM

  12. #46
    الصورة الرمزية AKAYNO SAN » أبـو مـارشـآل إداري سابق
    تاريخ التسجيل
    Sep 2010
    الدولة
    k.s.a
    المشاركات
    3,194
    معدل تقييم المستوى
    4295

    افتراضي رد: بِــــكُـل بســآطه أكــآيـنـو ســــان ♥♥ ..



    دردشة مآقبل المُذآكره ..

    الحمد لله قبل شَوي إختبرت مآده غثيثه مدري وش تبي , لكن الحمد لله الأختبار كآن مُمتاز
    وإن شاء الله +A في هالماده الخايسه ..

    عُموماً عندي مدرس بعد شَوي لمادة الأنجليزي , وبصَرآحه هالمستوى صعب حيييل .. ولآزمني درجه كبيره من
    شآن مـ أخذها صيفي إن شاء الله , فدعوآتكم معنا يآشباب ..

    المهم في كذا مدونه شَفت لي رد عن الأسنان مالاسنان ومعاناه الشباب معاها , طبعاً خويكم فالله ماهو
    بأحسن منكم , السالفه بدت تقريباً قبل 3 سنوآت , كنت قبل ثلاث سنوآت أتفاخر بإسناني الجميله ناصعة البياض ولله
    الحمد من دون فرشه ولا معجون .. يعني بياض رباني , وأكلي كان الحمد لله صحي وممتاز ..

    المهم قبل ثلاث سنوآت بدأ أحد ضُروسي فالتكسر شيئاً فشيئاً , السبب للأسف هو عود الأسنان , بصَرآحه خويكم
    فالله عنده حُب غير طبيعي لعود الاسنان , لازم بعد كُل وجبه آخذ لفه على أسناني بهالعُود ..

    المهم ضرسي تكسر شيئاً فشيئاً من هالعُود , تعرفون كل ماطلعت لي شيء من ضرسي كسرت منه شَوي وعلى هالحاله
    إلى أن بدأ ضرسي يون , الوقت كان متأخر بالليل , وكان في نص الاسبوع يعني اليوم الثاني دراسه طبعاً أيآم
    المدارس والكلآم الفاضي ..

    المهم حول الساعه 3 بالليل وضرسي يون , رحت أخذت لي بروفينال , ولسى الضرس على حاله , مضمضت بمويه
    وملح بنصيحه أحد الأخوان ولسى الحال على ماهو عليه ..

    ماقدرت أتحمل وطلعت من البيت متجه للمستوصف , طبعاً أحسن مافي موقع بيتنا أنه قريب جداً
    من المستوصف , والله تشوفون خويكم طالع بالشارع باللبس السعودي الرسمي اللي هو فنيله وسروآل طويل ..

    وجري على المستوصف , وعلى طُول على غرفة الدكتور , طبعاً مافيه غير دكتور واحد مناوب , وهو بتآع
    كُله , يعني طبيب عآم , المهم ماعنده غير حل وآحد وهو الأبره المُهدئه ..

    أخذت الأبره وشكوآي لله والحمد لله عشر دقايق وإلا الألم رآح ولله الحمد , ورجعت كملت النومه وسحبت
    على المدرسه بحجة أن ضرسي إلى الآن يعورني ومشى الحآل ..

    طبعاً المدرس بيجي بعد شَوي , لذلك أكملكم القصَه بعدين , وترى فيه أحداث غريبه عجيبه صارت بعد هالضرس
    اللي فك الباب لأخوانه وللأسف الشَديد الآن ضروسي ماتسوى ريال ..

    > حسبي الله عليك يالتويكس ..

    إنتظروا التكلمه ودعوآتكم ياشباب ..



  13. #47
    الصورة الرمزية AKAYNO SAN » أبـو مـارشـآل إداري سابق
    تاريخ التسجيل
    Sep 2010
    الدولة
    k.s.a
    المشاركات
    3,194
    معدل تقييم المستوى
    4295

    افتراضي رد: بِــــكُـل بســآطه أكــآيـنـو ســــان ♥♥ ..





    بالتوفيق للزعيم ..

    وبإذن الله النتيجه 3-0 ..

    أيضاً بالتوفيق للعَميد اليوم , وإن شاء الله تكُون المباراه سهله عليه ..

    دعوآتكم ..



  14. #48
    الصورة الرمزية AKAYNO SAN » أبـو مـارشـآل إداري سابق
    تاريخ التسجيل
    Sep 2010
    الدولة
    k.s.a
    المشاركات
    3,194
    معدل تقييم المستوى
    4295

    افتراضي رد: بِــــكُـل بســآطه أكــآيـنـو ســــان ♥♥ ..



    دردشه مآقبل المُذاكره ..

    ضُروسي 2 ..

    إن شاء الله بعد العصَر يعني تقريباً بعد نص سآعه سأنطلق إلى مجلسنا المُوقر لمذآكرة مآده الرياضيات الجَميله , طبعاً
    آخر إختبار عندي هو الرياضيات وبإذن الله تنتهي السنه على خير يوم السبت القآدم ..

    المهم مآلكُم بالطويله , بكملكم سآلفتي مع ضرُوسي حتى مـ أنساها وأعطيكم أشكل ,

    طبعاً مآدآومت للمدرسه ذاك اليوم , والوضع كآن تمآم , إلى أن صحيت من النوم وتغديت مع أهلي , وإلا يرجع نفس
    الضرس بالونونه , طبعاً إنتهى مفعُول الأبره لأنها كانت عِباره عن مُسكن فقط لاغير ..

    ماكملت غدآي للأسف , وسيدا على الثلاجه وآخ لي حبتين بروفينال , وأتحآمل على نفسي شَوي إلى أن هدأ الوضع , إنتظرت
    لين العصُر وعلى طول على العياده , أخذت لي رقم وأنتظرت دوري والحمد لله دخلت على الدكتور ..

    بيني وبينكم طلعت دكتوره , بس ماشاء الله عليها شُغلها نظيف , المهم قآلت لي هذا الضرس يبغاله تقطيع
    أعصاب ويبغآله حشُو , قلت لها مايخآلف مع أنها لسعتني بسعر لخبطني شَوي , وبدت فالشغل ماشاء الله
    عليها وما أخذنا إلا أسبوع وآحد تقريباً في ثلاث جلسات وضبطت لي الجرس ماشاء الله عليها ..

    عاد الحمد لله مشت الأيام ووصلنا للأجازه , عاد أنا قلت ياولد الأجازه لازم تزبط فيها ضُروسك كلها , ورحت
    للعياده اللي أنتم خآبرينها , وجيت أبي آخذ رقم عند نفس الدكتوره وألا تقولي حقت الأستعلامات أن الدكتوره اللي
    أبيها مسافره .. وقلت لها أجل شوفيلي دكتور كويس ..

    المهم عطتني الرقم وطلعت للدكتور , وسبحآن الله , مافيه أحد عند غرفته مع أن العياده كبيره ومليانه
    لكن غرفة هالدكتور ماعندها أحد , عاد أنا أنلحست شَوي وقلت وش السالفه ؟

    المهم كملت وجلست عند الباب , وشوي طلعت لي الممرضه اللي معه وقالت لي تفضل , دخلت والا ألآقي بوجهي ذاك
    البشري الغريب , طول بعرض ماشاء الله تبآرك الله , ووش صدر ووش نفخه تقريباً يشبه للمصارع باتيستا ..

    المهم دخلت عليه وفهمته السالفه , وقال ماعليك , جلست على السرير عاد وجاني يفحص وقال أنت عندك ضرس يبغاله
    قطع أعصاب وحشو , والثاني يبغاله قلع لأنه مافيه فايده , والثالث بس يبغاله حشو ..

    قلت له تمآم إبدأ فالاول عاد , وياليتني لم أقل له إبدا ؟

    إش خبل ياجماعه الخير , إش هالقلب القاسي , إش هالقوه المفرطه , الله لايعيد ذيك الأيآم , ضربني بالبنج
    وقام يجيب المسامير حقته , أقسم بالله ياجماعه كنه يصارع , البنج قوي ومع ذلك أحس بالالم كن مافيه بنج ..

    وهاتك تحفير بالضرس لين ذبحني , أقُول له أحس بالالم , أقول إهدأ الله يسلمك , ومافيه أي جواب منه , وشغال
    أهباه الله في ضرسي لين جاب الحشوه المؤقته , حط لي الحشوه وقال ثلاث أيآم وتجيني وقلت له إبشر ..

    ومن ذاك اليوم ولاعاد شفته هالمُفتري , وعاد كملت الشُغل عند المستوصف اللي جبنا والحمد لله إنفكيت من الضُروس
    إلى وقتنا هذا ولله الحمد ..

    مايُستفاد من القصه :-

    - لا شفت دكتور ماعنده أي مُرآجع ينتظره , فياويلك لو دخلت عنده , على طُول أرفع الثوب
    وأطلق رجليك على المخرج ..

    - لاتروح وتتلقف وتقول أبي أروح أضبط ضروسي وأنت مافيك غير العافيه , لاون ضرسك رح عالجه ولاشفته
    طيب ومايحتآج فلا تقرب المستوصف أبد ..

    - دائماً دع خيآرك الأول هو الدكتوره , والخيار الثاني الدكتوره والخيار الثالث الدكتور , لان الحريم شغلهم أفضل
    وقلوبهم أرحم , والمثال البغل اللي رحت له انا ..

    عسآكم على القُوه ودعوآتكم ياشباب ..



  15. #49
    الصورة الرمزية AKAYNO SAN » أبـو مـارشـآل إداري سابق
    تاريخ التسجيل
    Sep 2010
    الدولة
    k.s.a
    المشاركات
    3,194
    معدل تقييم المستوى
    4295

    افتراضي رد: بِــــكُـل بســآطه أكــآيـنـو ســــان ♥♥ ..



    صبآحكم طعميه ..

    شفت المَدونه مغبره قلت أبي ألمعها شَوي ..

    المهم مآلكُم بالطويله , سآلفه جَديده , إن شآء الله تكُون سنعه بس , وللأسف ستكُون على أجزآء , اثنين
    ثلاثه يمكن أربعه , مدري عآد لكن زي مآتجي تجي عاد ..


    بدآيآتي مع المنتديات " 1 " ..

    طبعاً الكل له مواقف وذكريات أول مابدأ يتعلم للأنترنت على العموم والمُنتديات على وجه الخصوص , وإن شاء الله في هالرد بكتب
    لكم بداياتي مع المنتديات وكيف تعرفت عليها ؟ وكم مُنتدى إشتركت فيه ؟ وكم مُنتدى طردني ؟ والكثير الكثير ..

    بدت الحكايه قبل 5 سنوآت من الآن , كنا في طلعة لمدينة الطايف , العايله ومعنا واحد من عماني بعايلته
    بعد , عمي هذا عنده ولد أكبر مني بسنه تقريباً ..

    طبعاً تعرفون في السفريات لو مامعك ولد عمك , ماش الرحله , المهم وكالعاده نزلنا من البيت اللي
    مستاجرينه بالشفا أنا وولد عمي ورحنا نتفرج ونلعب في هالمصيف الجميل ..

    في ذاك الوقت أنا ماكنت أعرف عن المنتديات أي شيء .. فقط أعرف للكمبيوتر وكانت عندي دوره في برنآمج
    الوورد فقط لاغير يعني لاشغلت الكمبيوتر ماعرف غير الوورد , وطبعاً اجيب أخواني وأخوآتي واقعد
    أشرح لهم عن هالبرنآمج , يعني مسوي فيها ..

    المهم فتح السآلفه ولد عمي وبدأ يخبرني عن الأنترنت وعن المنتديات , وعلمني بمنتدى هُو مشترك فيه , وقال لي لارجعنا
    بجيك وأعلمك كيف تسجل وتدخل للمنتدى وتشآرك ومن هالعلوم ..

    رجعنا من الطايف وجاني ولد عمي البيت وعلمني كيف أبحث عن المنتدى في قوقل وعلمني كيف أسجل ومن هالأمور , وقال
    لي إسم المُنتدى اللي هو " منتديات النـــآي " , طبعاً ماسجلني بالمنتدى وقال لي بمشي وأنت سجل وانا موجود بالمنتدى
    وقلت له خلاص تم ..

    رآح ولد عمي ودخلت قوقل وكتبت " منتديات النـــآي " وطلع لي المنتدى ودخلته وسجلت فيه ولله الحمد , طبعاً
    أول مره أدخل منتدى ولا أعرف أي شيء , كيف أشآرك أو كيف أنزل موضوع أو أو أو , مادري عن أي حاجه ..

    اليوم الأول ماشاركت ولا حاجه , اليوم الثاني دخلت على قوقل وبديت أكتب " كيف أشآرك في منتدى " ؟ وأبحث
    في كثير من المنتديات , الحمد لله حصلت لي شرح جيد عن المشاركه وتنزيل المواضيع وهالعلوم ..

    الحمد لله شاركت اليوم الثاني , ونزلت لي موضوع , وطبعاً مشاركات ومواضيع مثل وجهي لكن كويس لأنها
    المره الأولى , المهم كملت تقريباً اسبوعين مع هالمنتدى وشاركت وتقريباً مشاركاتي وصلت الـ 100 ..

    جات عندنا عزومه في ذاك اليوم وجاء عمي وطبعاً معه ولد عمي , عاد أخذته على جنب وقلت له وش رايك بالعضُو
    الجديد اللي عندكم اللي إسمه " فلان " قال والله ماشفت أي عُضو جديد أسمه مثل ماتقُول ؟

    عاد أنا أستغربت شوي وقلت له شكلك تمزح ؟ قال لا والله هذا الكلآم الصحيح , قلت طيب تعال , وجبته الكمبيوتر
    وشغلناه ودخلت على المنتدى ووريته إسمي وقلت هذا من طيب ؟

    وقعد يضحك عاد , طبعاً أنا مستغرب منه , وقلت وش السالفه ؟ قال ياطويل العمر هذا ماهو منتدانا ؟ قلت
    له ياولد قول غير هالكلآم , أثر لي اسبوعين أشآرك بالهوى ..

    وعاد علمني كيف اخش منتداهم , طبعاً السالفه كانت تشابه أسماء يعني الحين مثلاً فيه خمسين منتدى أسمهم
    منتديات الشُوق , وفي ذاك الوقت كان فيه ثلاث منتديات إسمه " النـــآي " وانا دخلت واحد منها ..

    وولد عمي كان في المنتدى الثاني اللي إسمه " النآي " , المهم سجلت في منتدآهم وهالمره هو سجلني , والحمد
    لله شآركت ودخلت معهم وتعرفت على أصحاب كثيرين خُصوصاً شخص إسمه " الحزن الأكيد " ..

    عآد سآلفه الحزن الأكيد وسآلفه إستمرآري في المنتدى بكملها لكم في نفس الصَفحه إن شاء الله ..

    إنتظروني , وعسآكم على القُوه ..



  16. #50
    الصورة الرمزية AKAYNO SAN » أبـو مـارشـآل إداري سابق
    تاريخ التسجيل
    Sep 2010
    الدولة
    k.s.a
    المشاركات
    3,194
    معدل تقييم المستوى
    4295

    افتراضي رد: بِــــكُـل بســآطه أكــآيـنـو ســــان ♥♥ ..



    الشَيخ " إدريس أبكر " ..

    أشتهر شيخنا الفآضل بقراءته الجَميله وأدعيته الصآدقه التي تدمع لها العين بمُجرد سمآعها ..

    دائماً ما أُردد أحد أدعيته الجميله في كُل وقت , حقيقةً صوته جَميل ومؤثر جِداً جِداً جِداً ..

    لاتبخلوا على أذآنكم بسمآعه ..




  17. #51
    الصورة الرمزية AKAYNO SAN » أبـو مـارشـآل إداري سابق
    تاريخ التسجيل
    Sep 2010
    الدولة
    k.s.a
    المشاركات
    3,194
    معدل تقييم المستوى
    4295

    افتراضي رد: بِــــكُـل بســآطه أكــآيـنـو ســــان ♥♥ ..



    أممممم ..

    قبل شَوي قعدت أقلب في موآقع المآنجا , ووقعت عيني على أحد فُصول مانجا المُحقق كُونان , وتحديداً الفصل
    818 , دخلت عليه وقريته وجذبتني القضَيه لأن الشباب كلهم موجودين فيها :roeyes: ..

    طبعاً أنا لي تقريباً سنه وزيآده ماتفرجت كُونان إلا حلقات نآدره فقط , وآخر ماتوقفت عنده كآن تقريباً
    الفصل 760 إذا ماكنت غلطآن ..

    طيب يعني ؟

    ياليت أيه والله ياليت , اللي مُتابع لكُونان " أنمي , مانجا " ياليت يدلني على فريق أقدر أحمل منه آخر 50 حلقه
    نزلت , ويكُون قريب من الأحداث , ماهو مثل بعض الفرق , الأحداث وآصله الحلقه 500 وهو يترجم الحلقه 480 ؟

    بصَرآحه المفروض العآلم المتأخره عن الأصدارات الحديثه بهذا الكم من الحلقات , تبطل تترجم :p ..

    مآعلينا , وأنا أنتظر مُتابعين كُونان على الخآص ..




صفحة 3 من 4 الأولىالأولى 1234 الأخيرةالأخيرة

المواضيع المتشابهه

  1. ♥♥ Styles ♥♥◄استايلات فوتوشوب►
    بواسطة MaxMido في المنتدى ملحقات التصميم
    مشاركات: 15
    آخر مشاركة: 06-01-2013, 09:01 PM
  2. ♥ ♥ {{مجموعه رائعه ومتميزه من الرمزيات من ون بيس}} ♥ ♥
    بواسطة KOBATO في المنتدى استديو الانمي
    مشاركات: 24
    آخر مشاركة: 27-07-2012, 01:43 PM
  3. ♥♥ Gradients ♥♥◄تدريجات فوتوشوب►
    بواسطة MaxMido في المنتدى أكاديمية التصميم
    مشاركات: 2
    آخر مشاركة: 24-09-2009, 06:51 PM

الكلمات الدلالية لهذا الموضوع

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  
statistics in vBulletin