صفحة 1 من 2 12 الأخيرةالأخيرة
النتائج 1 إلى 17 من 20
  1. #1
    الصورة الرمزية Meesho
    Meesho غير متواجد حالياً Red-Haired Pirate عضو
    تاريخ التسجيل
    Jul 2011
    الدولة
    Raftel‏
    العمر
    31
    المشاركات
    70
    معدل تقييم المستوى
    44

    افتراضي .. مجسمين [ تجربة شراء ] ..



    بسم الله الرحمن الرحيم.



    هذا أول موضوع لي. أنا ضعيفة في المقدمات فراح ادخل في الموضوع على طول! << هوا ذا المطلوب

    طبعا كثير زيي بيعانوا من عدم توفر مجسمات لـ ون بيس عندنا وخاصة الأصلية وغير كذا إن وجدت تكون بأسعارخيالية أو تكون مقلدة !
    فاضطريت إنه ألجأ لشراء المجسمات الأصلية من النت!.
    أنا بإمكاني اختصر الموضوع واحط الصور و بس, لكن حابة تعيشوا معاي التجربة من إلى, عشان إنتوا كمان تستفيدون ويكون عندكم فكرة في حال طرا على بالكم تشتروا أو شي .



    "البداية"


    في البداية صراحة مرررة تعبت أقرر خلاص من فين اشتري . وذلك للأسباب التالية:
    - اختلاف الأسعار من بائع لآخر
    - توفر جميع المجسمات اللي ابغاها
    - التوصيل وتكلفته
    - التحقق من حقيقة البائع والسمعة


    أول وجهة كانت " أمازون " واكتشفت إنه في مجسمات كثيرة غير متوفرة والأسعار مرتفعة قليلاً عن المواقع الأخرى.
    بعدها الـ " eBay ". وهذا قصته قصة!! يعني شوي تعبني البحث. لأن في بائعين عندهم كل القطع اللي ابغاها بس أسعارهم نااار . عشان عندهم قطع نادرة ومعاد تنباع. وفي اللي عندهم كل شي بس القطع مقلدة! وفي اللي يكونوا من اليابان ورخيصة القطع بس التوصيل يكلف كثير! لأن راح أوصل يا لـ بريطانيا أو أمريكا (مع خدمة آرامكس). مع العلم إنه في عنوان جديد للصين بس لسه ما جربته.
    وبعدين تجي المواقع الأخرى بس بعضها ما كنت واثقة منها وخفت اشتري وكنت أرسل ايميلات وكذا وما ألاقي رد.


    طيب فبعد مرحلة البحث قررت أشتري من Anime King ولهم معرض على الأمازون. وهذا رابط معرضهم.
    { Anime King - Amazon }


    اسم المجسم الأول بالكامل:
    Bandai Figuarts ZERO PVC Statue Monkey D. Luffy One Piece


    واسم المجسم الثاني:
    Bandai Figuarts ZERO PVC Statue Shanks One Piece
    [ الرابط ]

    وزي منتو شايفين اسم الماركة Bandai أحد الرعاة الرسميين لون بيس.


    وهذي صور المنتجين الرسمية:

    Luffy
    (1)

    (2)

    (3)

    Shanks
    (1)

    (2)

    (3)



    "المرحلة الثانية: الدفع وطريقة الشراء"

    طبعا هناك طرق كثيرة للشراء عن طريق النت وفي والبنوك الآن وفرت خدمة الشراء ببطاقات ائتمان سهلت هذه العملية بشكل كبير. أنا عن نفسي استخدمت بطاقة بنك الراجحي المسبقة الدفع, واشتريت عن طريقها هذه المجسمات.

    الأسعار:
    مجسم لوفي: 24,56$ أي ما يقارب 92 ريال.
    ومجسم شانكس: 30,75$ أي ما يقارب 115 ريال.
    +
    9$ توصيل لصندوق بريدي في الآرامكس الامريكي = 33 ريال.


    الحساب كله كان 64,40$ يعني تقريبا = 241 ريال

    بعدين لما وصلت هنا للسعودية وصلت لفرع آرامكس جدة. سعر الشحن لـ 2 باوند = 100 ريال.

    أخذت العملية: 8 أيام.

    المجموع الكلي:
    341 ريال سعودي.


    "استعراض المجسمات"

    - وصلت المجسمات سليمة الحمدلله :icon_pirate_biggrin.
    (1)

    (2)

    - هذه صور مجسم "لوفي".

    تفاصيل أخرى:
    1- مرفق معاه رأس إضافي لكن اتجاه العين في الرأس المرفق على اليسار. للأسف أظنه مو باين في الصور.
    2- الرأس (في كلا المجسمين) تقدر تحركه وتخليه ينظر إلى أي جهة تبغى. بشكل دائري.
    3- الجاكيت الأحمر تقدر تشيله. (في صورة بدون الجاكيت).
    4- القاعدة (في كلا المجسمين) مكتوب الاسم بالانجليزي والياباني وشعار الطاقم ومكتوب DEAD OR ALIVE (حي أو ميت) :icon_pirat2:
    5- الساقين قابلة إنكم تفصلهم عن الجسم! ما أعرف ليش صراحة! وليش الساقين فقط! :icon_pirate_confuse
    6- مرفق أشياء زي الاسفنجات الصغيرة تتركب في القاعدة لتثبيتها بشكل أكبر.
    7- طوله: 15cm تقريبا

    *1*

    *2*

    (ولو تلاحظون لفّيت راسه عشان تفهمي قصدي في تحريك الرأس) لول

    *3*

    (بدون الجاكيت)

    *4*


    يتبع....


    التعديل الأخير تم بواسطة Meesho ; 20-07-2011 الساعة 05:01 AM

    لول .. مرررة حابة ردة الفعل هذي
    الشخصيات المفضلة بالترتيب: على راسهم Shanks ومن أسباب متابعتي لون بيس
    Mihawk...Sanji...Luffy...Zoro...Smoker...Sir Crocodile..Brook.

  2. #2
    الصورة الرمزية Meesho Red-Haired Pirate عضو
    تاريخ التسجيل
    Jul 2011
    الدولة
    Raftel‏
    العمر
    31
    المشاركات
    70
    معدل تقييم المستوى
    44

    افتراضي رد: .. مجسمين [ تجربة شراء ] ..



    نكمّل .. :01s:


    - وهذه صورة مجسم "شانكس".

    تفاصيل أخرى:
    1- السيف كان مرفق معاه وأنت تركبه.
    2- يده المبتورة مربوطة (معليش نسيت أصورها) .
    3- طوله: 17cm.



    - وهذي صور تجمع المجسمين:
    (1)

    (لاحظو الرأس الاضافي, اضغط على الصورة لتكبيرها)

    (2)

    (3)

    - وهذه الصورتين تبين طولهم مقارنة مع جهاز معروف. اخترت الـ iPhone. لأن اتوقع اغلب الناس تعرف حجمه.
    (1)

    (2)



    "وجهة نظري"

    - طبعا مبسوطة جداً, وحبيت المجسمين. وأكثر شي طمني إنها الأصلية .
    - بالنسبة لمجسم لوفي مرررة ممتاز وما عليه كلام .
    - اللي قهرني في مجسم شانكس 3 أشياء: الجاكيت ما ينزل, لون وجهه تقريبا افتح من جسمه! الابتسامة مبالغ فيها شويتين! لول. (حاشية من أختي. تقول ايش الكرشة ذي ؟ وأضافت: والله العلب حقتهم أحلى << قمة في التحطيم !! لول).
    - طبعا هذه أول تجربة واعتقد ما راح تكون الأخيرة. لكن صراحة مكلفة الشغلة شويتين!! ومن غير الأسباب اللي ذكرتها في بداية الموضوع. فاحتمال الشخصيات اللي مو مرة تعجبني بقوة اشتريها مقلّدة!.
    - في مجسم لـ ميهوك قاتل !! بس حتى سعره قاتل ! لول .. لدرجة إنه وصل لـ 400 ريال !!!!!! وأفكر اشتري من واحد يبيعه بأرخص شوي بس ماني عارفة ايش أسوي بالصليب اللي على صدره .
    - ليست جميع المجسمات المتوفرة متقنة!! حتى الأصلية . خصوصا زورو, شانكس, يوستاس. هذا ما يحضرني.
    - أفضل مجسمات متقنة لـ سانجي و بوا هانكوك.
    - مجسمات طاقم قبعة القش وهم أطفال أصبح يعتبر من القطع النادرة وأصبح يباع بأسعار خيالية. وما لقيتها إلا في eBay وموقعين.
    - أفكر اشتري المرة القادمة: باجي, سانجي, ميهوك, سموكر ويمكن آيس!. وفي مجموعة مصغرة! أو ما يسمى Chibi.
    - الوالدة عندي شكّت بعقلي! خخخخ .. أنا أصلا من الناس اللي أحب أجمع للأشياء اللي أحبها. أي شي .



    "خاتمة"

    اتمنى إن الموضوع نال استحسانكم. وأشبع فضولكم وتساؤلاتكم .
    لو حابين تستفسروا عن أي أمر آخر بخصوص المجسمات أو الشراء أنا تحت أمركم.
    واعذروني إذا نسيت شي أو غفلت عن نقطة


    الرجاء في حال النقل. حفظ الحقوق ^_^



    التعديل الأخير تم بواسطة Meesho ; 20-07-2011 الساعة 04:58 AM

  3. #3
    الصورة الرمزية Meesho Red-Haired Pirate عضو
    تاريخ التسجيل
    Jul 2011
    الدولة
    Raftel‏
    العمر
    31
    المشاركات
    70
    معدل تقييم المستوى
    44

    افتراضي رد: .. مجسمين [ تجربة شراء ] ..



    أوبس!!! في صور كبيرة! توقعت إنها تصغر تلقائياً !!
    اممم .. حاولت أصغرها ما نفعت معاي! اعتذر منكم. << وجه مكسوف!



  4. #4
    الصورة الرمزية R E W سبحان الله وبحمده مستشار الشبكة
    الإداريين

    تاريخ التسجيل
    Feb 2010
    الدولة
    في قبو ألسفينة نُقشر ألبطاطا
    المشاركات
    3,486
    معدل تقييم المستوى
    100

    Smile رد: .. مجسمين [ تجربة شراء ] ..



    السلام عليكم ..
    سبحان الله ذحين انا واخوي نتناقش عشان الاشياء اللي بتجي من امازون ..
    اخذنا القبعه القشيه وتي شيرت لشعار قراصنه قبعه القش ^^.. واشياء مالها دخل بون بيس
    بس سالفه التحويل وغيرها متعبه شوي ..
    المجسمات جدا رااائعه وحجمها كبير بس مثل ما قلتي ابتسامه شانكس مصطنعه *_* ما اعجبتني ..
    والاسعار جيده .. بالعافيه عليك

    وشكرا لك


    التعديل الأخير تم بواسطة R E W ; 20-07-2011 الساعة 05:36 AM

  5. #5
    الصورة الرمزية شجرة البلوط عضو
    تاريخ التسجيل
    Jul 2010
    الدولة
    على تلة قرب منزل ماربل :)
    المشاركات
    435
    معدل تقييم المستوى
    597

    افتراضي رد: .. مجسمين [ تجربة شراء ] ..



    السلام عليكم ،،
    أوهايو ميشو تشان
    أول شي أهنيك على المجسمات ،، ميروكين عليك
    بحث مضني وحصلت اللي تبغيه ما شاء الله عليك
    ان شاء الله الأعضاء يستفيدو من مجهودك

    - في مجسم لـ ميهوك قاتل !! بس حتى سعره قاتل ! لول .. لدرجة إنه وصل لـ 400 ريال !


    أووووووف ،، وعلى إيش دا كله ،، أنا يكفيني أشوف المسلسل وخلاص >> عشان ما تصرف

    تجربة جميلة ومفصلة ،، الله يهنيك بيهم
    لو اشتريتي مجسم لروبين و إيس فرجينا ،، يمكن يتغير رأي و أشتري

    الموضوع منسق ومغري
    والفواصل روعة و تجنن <<

    تحياتي لك
    << و سلميلي على لوفي كل يوم قبل لا تنامي


    لكل الحلوين الي في الشبكة'،، "فوتّكو بعآافية"




  6. #6
    الصورة الرمزية Meesho Red-Haired Pirate عضو
    تاريخ التسجيل
    Jul 2011
    الدولة
    Raftel‏
    العمر
    31
    المشاركات
    70
    معدل تقييم المستوى
    44

    افتراضي رد: .. مجسمين [ تجربة شراء ] ..



    وعليكم السلام R E W.
    يس .. أنا معاك. حكاية التوصيل هناك وهنا وحالة تجيب القلق.
    يس الأسعار طيبة بس اللي يقهرك الفلوس كلها تروح في الشحن والتوصيل!! وهوا الشي الوحيد اللي يخليك بعض أحيان تبّطل.
    والله يعافيك .. العفو.
    وشكرا لك على ردك
    وعقبال ما توصلكم الأغراض سليمة وكاملة :01s:


    - - - - - - - - - - - - - - - - - - - -

    ولكم "شجرة البلوط" .. << لسه جديدة على الياباني..
    موش موش تجي؟ << برّا

    تسلمي والله حبيبتي .. الله يبارك فعمرك
    لوووول .. ترا من جد السعر مررة مبالغ فيه! بس تخيلي كمان قدام سنتين راح يختفي من السوق فتخيلي بعدين راح بكم ينباع؟! ترا اكتشفت إنه في تجارة المجسمات وماشية
    هوا ارتفع سعره حالياً عشان شوي بدأ يقل وجوده في السوق.
    ومن جد ترا لو لي أحد في اليابان أو الصين كان سوا فيا خير!! بدل الصرف هذا!!

    بالنسبة لروبين .. يا شيخة ما أعرف ! جذابة بس ماني بالعتها!! حاولت لكن في شي ما أعرف ايش هوا!! لول احترت فأمرها ..
    بالنسبة لآيس. تخيلي خلاص حددت أيت مجسم وتحمست وكله بس أجلته! وأنا لسه ما وصلت حلقة موته!!!! ذحين تحسست!! كيف اشتريه؟! راح اطالع فيه وأحزن !! << ترا حالتها مستعصية!

    ومرررة انبسطت بردك عزيزتي

    وعندي فضول أعرف إذا عجبهم الموضوع الأعضاء كمان ^_^

    ملاحظة: لوفي يقولك عندك لحم؟!



  7. #7
    الصورة الرمزية S c a R ♥ ĜłήĠ ♥ مشرف سابق
    Marine Team

    تاريخ التسجيل
    Mar 2011
    العمر
    21
    المشاركات
    4,022
    معدل تقييم المستوى
    9274

    افتراضي رد: .. مجسمين [ تجربة شراء ] ..



    مبرووك لكـ وتكسرهمـ بالعافية ~

    والله المجسمات خطيرره بس الأسعار نااار ~

    يا ليت نشوف محلات متخصصة للأنمي في السعودية ~

    تقبل مروري ~



    { MAL }

    قناة MT Network


  8. #8
    الصورة الرمزية Meesho Red-Haired Pirate عضو
    تاريخ التسجيل
    Jul 2011
    الدولة
    Raftel‏
    العمر
    31
    المشاركات
    70
    معدل تقييم المستوى
    44

    افتراضي رد: .. مجسمين [ تجربة شراء ] ..




    الله يبااارك فيك BrooK-chooper
    ليش بس؟! حرام عليك .. ترا حاطتهم جوّة فقاعة عشان تعيش أطول !! :p
    من جد .. ممتازة بس بالفعل مش متعاونين كثير في الاسعار!!
    وما أعرف متى يحنّوا وهنا ويفتحوا أسواق عالمية في السعودية. مو بس انمي! أي شي عالمي! لكن معروف البلى من مين!

    وشكرا على ردك. سعدت كثير


    توقعت إن الموضوع يلاقي صدى أكبر :01s:
    بس يالله. مو مشكلة. أنه حطيته عشان تستفيدوا





  9. #9
    الصورة الرمزية yyouuseef لا إله إلا الله عضو
    تاريخ التسجيل
    Mar 2011
    العمر
    7
    المشاركات
    399
    معدل تقييم المستوى
    220

    افتراضي رد: .. مجسمين [ تجربة شراء ] ..



    يا محظوظة اشوا امك ترضا هههه انا حدي اروح اشتريها من هنا خلسه عشان امي لا تذبحني
    بس ترى غاليين كثيير من برا؟؟ ما فكرتي تشيكي على موقع ياباني وتترجميه على جوجل ترانسليت؟؟ والله اكيد راح يكون ارخص؟؟
    والله يوم شفت السعر شكيت بحجم المجسمات ان شاء الله يوم اشتري واحد او اثنين بقلدك وبسوي موضوع طويل عرشض والفرق بيني وبينك انك من برا اما انا راح أحطهم بأي كرتونه وخلاص



  10. #10
    الصورة الرمزية Meesho Red-Haired Pirate عضو
    تاريخ التسجيل
    Jul 2011
    الدولة
    Raftel‏
    العمر
    31
    المشاركات
    70
    معدل تقييم المستوى
    44

    افتراضي رد: .. مجسمين [ تجربة شراء ] ..



    اقتباس المشاركة الأصلية كتبت بواسطة yyouuseef مشاهدة المشاركة
    يا محظوظة اشوا امك ترضا هههه انا حدي اروح اشتريها من هنا خلسه عشان امي لا تذبحني
    بس ترى غاليين كثيير من برا؟؟ ما فكرتي تشيكي على موقع ياباني وتترجميه على جوجل ترانسليت؟؟ والله اكيد راح يكون ارخص؟؟
    والله يوم شفت السعر شكيت بحجم المجسمات ان شاء الله يوم اشتري واحد او اثنين بقلدك وبسوي موضوع طويل عرشض والفرق بيني وبينك انك من برا اما انا راح أحطهم بأي كرتونه وخلاص
    لول .. بس عشانها من جيبي ! والله لو من عندها ما شفت ريال واحد على هالخرابيط!! خخخ
    حاطتهم فوق شاشة الكمبيوتر! أحسها كل ما تدخل الغرفة تكلمني تطالع فيهم وأنا أكون اتكلم معاها !! نفسي أعرف وش فراسها !! خخخ أكيد تتحمد على نعمة العقل!
    صراحة أنا أقولك .. من فرفرتي استنتجت يا اشتري من أمريكا يا أنسى! وأنت الصادق حتى لو من أي دولة آسيوية!! صح السعر ممكن يكون سعر المنتج الأصلي لكن التوصيل نااار! يعني هوا هوا الدفع!!! من غير إنه أتوقع لو عربي يجيبها ويبعيها هنا راح يرفعا سعرها لأن أصلا همّا للاسف غاليين! اللي استغرب منه كل ما غلي المجسم كلها ما ألاقيه " خلّص " .. Out of stock!!!! ملاحيس صراحة! لول
    وأضمن لو من أمريكا على الأقل ما تمر في كذا محطة ويصير لها شي.
    لول .. بس من فين راح تشتريهم؟ موجود شي لون بيس هنا؟! ترا ما أعرف مكان معين ولا كان ريحت نفسي واشتريت بدل الأفلام هذي! لول
    ويالله عقبالك

    أشكرك على ردك وسعدت بمرورك ^_^



  11. #11
    الصورة الرمزية roove 4 ever Roofa عضو
    تاريخ التسجيل
    Jul 2011
    الدولة
    السعودية-مكة المكرمة
    المشاركات
    117
    معدل تقييم المستوى
    30

    افتراضي رد: .. مجسمين [ تجربة شراء ] ..



    السلام عليكم ،،
    أوهايو ميشو تشان
    أول شي أهنيك على المجسمات ،، ميروكين عليك
    بحث مضني وحصلت اللي تبغيه ما شاء الله عليك
    ان شاء الله الأعضاء يستفيدو من مجهودك

    - في مجسم لـ ميهوك قاتل !! بس حتى سعره قاتل ! لول .. لدرجة إنه وصل لـ 400 ريال !


    أووووووف ،، وعلى إيش دا كله ،، أنا يكفيني أشوف المسلسل وخلاص >> عشان ما تصرف

    تجربة جميلة ومفصلة ،، الله يهنيك بيهم
    لو اشتريتي مجسم لروبين و إيس فرجينا ،، يمكن يتغير رأي و أشتري

    الموضوع منسق ومغري
    والفواصل روعة و تجنن <<

    تحياتي لك
    << و سلميلي على لوفي كل يوم قبل لا تنام



  12. #12
    الصورة الرمزية L u c y كالرياح ♥ ~ عضو
    تاريخ التسجيل
    Jan 2011
    الدولة
    ♥ New World
    العمر
    22
    المشاركات
    821
    معدل تقييم المستوى
    630

    افتراضي رد: .. مجسمين [ تجربة شراء ] ..



    السلآم عليكم ..
    مـآشـآء الله
    موضوعكْ مممره بطل :ذذ:
    وفهمتْ أشيـآء جديدهه
    وصرآحه أنـآ مستبعده ممره أشتري من النتْ
    أتمنى يكون فيه أسوآق خـآصه لون بيس !
    أشكركْ جداً جداً ع الموضوع
    وتتهنين بالمجسمـآتْ يَ ربْ
    جـآنـآ..



  13. #13
    الصورة الرمزية salmaDowney - عضو
    تاريخ التسجيل
    Nov 2010
    الدولة
    Sanī-gō
    العمر
    19
    المشاركات
    1,245
    معدل تقييم المستوى
    2422

    افتراضي رد: .. مجسمين [ تجربة شراء ] ..



    وآآآآآآآآآآآآآو


    ابييييييييييييييييييهم>>>> بالاحلام ><


    ييسسلمو




  14. #14
    الصورة الرمزية ! LM ! آسـ$ـرع وآحـد :$ عضو
    تاريخ التسجيل
    Jul 2011
    المشاركات
    117
    معدل تقييم المستوى
    30

    افتراضي رد: .. مجسمين [ تجربة شراء ] ..



    رووووعه آهنيك + تقيم



  15. #15
    الصورة الرمزية Dark Doctor D,E,A,T,H عضو
    تاريخ التسجيل
    Apr 2010
    الدولة
    Jeddah
    العمر
    27
    المشاركات
    285
    معدل تقييم المستوى
    127

    افتراضي رد: .. مجسمين [ تجربة شراء ] ..



    ماشاءالله مبروك على المجسمين, وترا مافي فرق لو اي احد اشتراها من برا او من هنا ( لو فيه محل يبيعها هنا ) او فيه فرق بسيط جدا

    لان اصلا اللي راح يبيعها هنا راح يكون رافع سعرها.. ويمكن اكثر من يوم تطلبها طلبية,,, لان هو اصلا جايبها بمبلغ وقدره ^^,


    على العموم الف مبروك



  16. #16
    الصورة الرمزية العصر الجديد انا من سيغير العالم عضو
    تاريخ التسجيل
    Oct 2010
    الدولة
    anime-arab.com
    العمر
    19
    المشاركات
    383
    معدل تقييم المستوى
    212

    Talking رد: .. مجسمين [ تجربة شراء ] ..



    مجسمات مذهله وجميلة ايضاً ...


    سوف يبداء العصر الجديد قريباً ... وسوف اغير العالم مستقبلاً
    مهما حدث انتظروني سوف اكتشف كل شيء في العالم أن شاء الله .




  17. #17
    الصورة الرمزية απģlιπα =$ عضو
    تاريخ التسجيل
    Jun 2011
    المشاركات
    290
    معدل تقييم المستوى
    389

    افتراضي رد: .. مجسمين [ تجربة شراء ] ..



    ممممممم , روعه صرآحه بس
    عندنآ هينا في محل على ماأظن اسمه (new boy),
    فيه مجسمآت بس القطع مو اصليه !
    على العمموم علييك بالعافيه , ويتكسروون بالعافيه ..,


    again soon


صفحة 1 من 2 12 الأخيرةالأخيرة

الكلمات الدلالية لهذا الموضوع

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  
Powered by vBulletin®
Copyright © 2017 vBulletin Solutions, Inc. All rights reserved.
SEO by vBSEO ©2011, Crawlability, Inc.